دونیادا ال دیمهمیش چوخ آز یئر قالدی
اینسانلار، ۱۹۷۰-۲۰۱۴ ایللرینده یئرکورهسی اوزرینده ممهلیلر، بالیقلار و سورونگنلر داخیل حیوانلارین یوزده ۶۰ینین یوخ اولماسینا ندن اولدو
دونیادا قورو پارچالارینین سادهجه یوزده ۲۳و ال دیمهمیش دورومدادیر.
ساینسدیلینین خبرینه گؤره، چئوره بیلیمجیلر ایلک کز دونیا اوزرینده دنیزده و قورودا ال دیمهمیش اولاراق دئییلهبیلهجک بؤلگهلرین حساس اؤلچکلی خریطهسینی چیخاردی.
چئوره بیلیمجیلر خریطهیه باخیلدیغیندا دونیادا قورو پارچالارینین آرتیق سادهجه یوزده ۲۳ونه ال دیمهمیش دئییلهبیلهجگینه، آنتارکتیکا خارج گئری قالان قیسمینین، اینسان ائیلملرینین بیر باشا ائتکیسینه معروض قالدیغینا دیقت چکدی.
بونون اؤزللیکله یاخین گئچمیشده ائدیلن ساییسیز چالیشمانین، ال دیمهمیش یئرلرین، ایقلیم دییشیکلیگینه قارشی اؤنملی تامپون بؤلگهلر اولدوغونو گؤسترمهسی دولاییسییلا تدیرگین ائدیجی اولدوغو ایفاده ائدیلدی.
بیلیم اینسانلاری، روسیا، کانادا، اوسترالیا، آمریکا و برزیلین، قورودا و دنیزده ال دیمهمیش بؤلگهلرین یوزده ۷۰ینه صاحب اولدوغونا و بو اولکهلرین، وحشی دوغانین قوروما آلتینا آلینماسی قونوسوندا چوخ بؤیوک روللاری اولدوغونا ایشاره ائتدی.
دونیا دوغانی قوروما وقفینین (WWF) هفته باشیندا یاییملادیغی راپوردا دا اینسانلارین، ۱۹۷۰-۲۰۱۴ ایللرینده یئرکورهسی اوزرینده ممهلیلر، بالیقلار و سورونگنلر داخیل حیوانلارین یوزده ۶۰ینین یوخ اولماسینا ندن اولدوغو بیلدیریلمیشدی.