قاتار،۵۰دن چوخ انسانی ازدی گئچدی

هیندیستانین پنجاب ایالتین‌ده بیر یولچو قاتارینین، فستیوال اوچون ریل اطرافین‌دا توپلاشان آداملارا توققوشماسی نتیجه‌سین‌ده ۵۸ نفر حیاتینی ایتیردی، ۵۰ نفر یارالاندی.

امریتسار شهرینین چئوره‌سینده، شهرلرآراسی سفر ائد‌ن قاتار، هندولار اوچون مقدس ساییلان دوسهرا بایرامی اوچون یاندیریلان بؤیوک قولچاغی ایزله‌مک اوچون ریل اطرافین‌دا توپلاشان قالابالیغین آراسین‌دان گئچدی.

شاهیدلرین سؤزلرینه گؤره، عینی واخت‌دا عکس ایستیقامت‌دن گلن باشقا بیر قاتارین قاچیش یولونو باغلاماسی سببیله چوخ سایی‌دا انسانین قاتارین آلتین‌دا قالدیغینی بیلدیردی.

ایالت پلیس سؤزچوسو، ایندییه قدر ۵۸ نفرین جسدینین تاپیلدیغینی ایفاده ائتدی.

قضا سببیله ۵۰یه یاخین یارالینین ایسه اطراف‌داکی خسته‌خانالارا آپاریلدیغی قید ائدیلدی.

حادثه‌ده اؤلو ساییسینین آرتماسین‌دان قایغی دویولور.