صاحبینین مزاری باشیندا اؤلدو
۲۰۰۶.جی ایلده اؤلن صاحبینین مزاری باشیندا یاشایان کاپیتان، یئنه صاحبینین مزاری باشیندا اؤلو تاپیلدی
آرژانتین‌ده ۱۲ ایل قاباق حیاتینی ایتیرن صاحبینین مزاری باشین‌دان آیریلمایان "کاپیتان" آدلی ایت اؤلدو.
یئرلی مطبوعات‌دا یئر آلان خبره گؤره، آرژانتین‌ده ۲۰۰۶.جی ایلده اؤلن صاحبینین مزاری باشیندا یاشایان کاپیتان، یئنه صاحبینین مزاری باشیندا اؤلو تاپیلدی.
قبیریستان‌لیق گؤره‌و‌لیلری و اطراف‌داکی قونشولار طرفیندن بسلنن ۱۵ یاش‌لی ایتین، سون زامانلار خسته اولدوغو بیلدیریلدی.
کاپیتان، آرژانتین‌ین ویلا کارلوس پاز شهرین‌ده یاشایان میگل گوزمانین ایدی. گوزمانین ۱۲ ایل اول حیاتینی ایتیرمه‌سینین آردین‌دان ائوین ایتی کاپیتان اورتادان غیب اولموشدو. عائله عضولرینین اعلان وئررک آختاردیغی ایت، ائوه اولدوقجا اوزاق اولان قبیریستان‌لیق‌دا تاپیلمیشدی.
قبیریستان‌لیق مودورو هکتور باکگا، داها اول مطبوعاتا وئردیگی آچیقلامادا، ایتی کیمسه‌نین قبیریستانلیغا گتیرمه‌دیگینی ایفاده ائتمیش و کاپیتانین هر گون معین ساعات‌دا گوزمانین مزاری باشینا یاتدیغینی سؤیله‌میشدی.
بنزر بیر حادثه، ۱۹۲۴ده ژاپندا گؤرولموش، هاچیکو آدلی ایت صاحبینی اؤلن‌دن سونرا ۹ ایل بویونجا هر گون گلدیگی مترو دوراغینین قارشیسین‌دا گؤزله‌دی. ایتین حکایه‌سی، "هاچیکو بیر ایتین حکایه‌سی" آدلی فیلمه ده قونو اولموشدو.
