دموکراتیک کونکو جمهوریتینده قیت‌لیق 7.7 میلیونا چیخدی

دموکراتیک کونکو جمهوریتینده قیت‌لیق مرزین‌دکی آدام ساییسی بیر ایلده 1.8 میلیون آرتا‌راق 7.7 میلیونا چیخدی.

بیرلشمیش میللت‌لر تشکیلاتی‌نین دونیا قیدا پروقرامی و بمت قیدا و اکینچی‌لیک تشکیلاتی طرفین‌دن ائدیلن اورتاق آچیقلامادا، اؤلکه‌دکی چاتیشما‌لار و کؤچلر سببیله جیدی اؤلچوده قیدا چتین‌لیگی یاشاندیغی ایفاده ائدیلدی.

آچیقلامادا، اؤلکه‌ده آجلیق‌دان بیر اوّلکی سویه اولان آشیری آجلیق سویه‌سین‌دکی اینسان ساییسی‌نین، کئچن ایل ژوئن آیین‌دان بو ایلین عینی دؤورونه قدر 1.8 میلیون نفر آرتا‌راق 7.7 میلیونا چیخدیغی قید ائدیلدی.

چاتیشما بؤلگه‌لرینده کند و اکینجیلیک ساحه‌لری‌نین سون ایکی مؤوسوم‌دور یاغمالاندیغی، بو سببله ده اکینجیلرین محصول آلا بیلمدیک‌لری و قیدا تجهیزاتی کریتیک سویه‌لره دوشدوگو وورغولانان آچیقلامادا، تیرتیل ایستیلاسی ایله وبا و قیزیلجا کیمی یولوخوجو خسته‌لیک‌لرین دا اینسان‌لارین حیات شرط‌لرینی منفی تأثیر ائتدیگینه ایشاره ائدیلدی.

بمت، اؤلکه‌یه زامانیندا عاجیل یاردیم چاتماماسی حالیندا وضعیتین داها دا پیسه گئده‌جگی خبردارلیغینی ائتدی.