یونیسف: آفریقا‌داکی تخمینن 22 میلیون اوشاغین عاجیل یاردیما احتیاجی وار
یونیسف، بو بؤلگه‌لردکی اوشاق‌لارین یالنیز بیر نئچه آیلیق یئمک، سو، تحصیل، ساغلیق و قورونما طلب‌لری اوچون 255 میلیون دو‌لارا احتیاج دویولدوغونو قید ائتدی
بیرلشمیش میللت‌لر اوشاق‌لارا کؤمک فوندو (یونیسف)، آفریقا‌داکی دؤرد اؤلکه‌ده یاشایان تخمینن 22 میلیون اوشاغین عاجیل یاردیما احتیاجی اولدوغونو بیلدیردی.
یونیسف‌دن ائدیلن آچیقلامادا، بو اؤلکه‌لره آیریلان یاردیم‌لارین آرتیریلماسی لازیم اولدوغونا وورغو ائدیله‌رک، "عاجیل مداخیله ائدیلمزسه نیجریه‌نین شمال-شرقینده، سوما‌لی‌ده، سودان ایله یمن‌ده 1،4 میلیون اوشاق قوراق‌لیق و سیلاح‌لی چاتیشما‌لار سببیله اؤله‌بیلر." خبردارلیغینی بولونولدو.
یونیسف عاجیل یاردیم پروقرام‌لاری دیرکتورو مانوئل فونتاین، سوما‌لی‌ده بنزر بیر قیتلیغین 2011-جی ایلده یاشاندیغینی و گئج مداخیله سببیله چوخ سایدا اوشاغین اؤلدوغونو خاطیرلادا‌راق، " عاجیل اولا‌راق حرکته کئچملیگیک. اوشاق‌لار دیگر بیر قیت‌لیق آچیقلاماسینی گؤزله‌یه‌بیلمز." ایفاده‌لرینی ایستیفاده ائتدی.
یونیسف، بو بؤلگه‌لردکی اوشاق‌لارین یالنیز بیر نئچه آیلیق یئمک، سو، تحصیل، ساغلیق و قورونما طلب‌لری اوچون 255 میلیون دو‌لارا احتیاج دویولدوغونو قید ائتدی.
نیجریه‌نین شمال-شرقینده ترور تشکیلاتی بوکو حرام ایله نیظامی بیرلیک‌لر آراسیندا یئددی ایلدیر داوام ائدن چاتیشما‌لار، سوما‌لی، جنوبی سودان و یمن‌ده داوام ائدن شیدت حادثه‌لری و قوراق‌لیق خصوصیله قادین و اوشاق‌لارین ضرر گؤرمه‌سینه سبب اولور.
ایلگیلی‌لی خبرلر
ژاپن و اکوادوردا زلزله باش وئریب
ژاپنون پایتخاتی توکیونون گونئیینده 6 ریشتر و اکوادوردا 5.2 ریشتر گوجونده زلزله باش وئریب
