گونورتا یوخوسو اوشاق‌لاردا دانیشماغین اینکیشافینا مثبت تأثیر گؤستریر
آمریکا-نین آریزونا اونیورسیته سینین عالیم‌لری گونورتا یوخوسونون اوشاق‌لاردا دانیشماغین اینکیشافینا مثبت تأثیر ائتدیگینی معینلشدیریب‌لر.
آمریکا-نین آریزونا اونیورسیته سینین عالیم‌لری گونورتا یوخوسونون اوشاق‌لاردا دانیشماغین اینکیشافینا مثبت تأثیر ائتدیگینی معینلشدیریب‌لر.
40 اوشاغین ایشتیراکی ائتدیگی تدقیقات‌لاردا کؤرپه‌لر ایکی قروپا آیریلیب‌لار. بیرینجی قروپون ایشتیراکچی‌لاری متمادی اولاراق اؤیرندیک‌لری بیر نئچه سؤزدن سونرا گونورتا یوخوسونا یوللانیب‌لار. دیگر قروپون اوشاق‌لاری ایسه عینی سؤزلری اؤیرندیک‌دن سونرا یاتماغا دئییل، اویون مئیدانچاسینا و یا یئمه‌یه آپاریلیب‌لار. آراشدیرما‌لاردان گونورتا یاتان اوشاق‌لارین دیگرلرینه نیسبتن اؤیرندیک‌لری سؤزلری داها یاخشی قاورادیق‌لاری معلوم اولوب.
بونونلا یاناشی عالیم‌لر بئله قناعته گلیب‌لر کی، اوشاق‌لارین بؤیوک‌لردن فرق‌لی اولاراق گونده سککیز دئییل، 10-12 ساعت یاتما‌لاری واجیب‌دیر.
اونلارین فیکرینجه محض بو یوخو رئژیمینه اساساً تام دینجلمکله یاناشی، اوشاق‌لاردا ایدراک قابیلیتی ده داها یاخشی اینکیشاف ائدیر.
