قان باغیشیندا یوزده 110 باشاری تامین ائدیلدی

تورک قیزیل آیی باش کاتیبی عایشه ‌گول گنج، "تورک قیزیل آیی، بو ایلین ایلک 6 آیلیق مدتینده اؤلکه سویه‌سینده قان هدیه‌سینده یوزده 110 کیمی بیر هدفه چاتدی. خالقیمیز قان باغیشی موضوعسوندا سون درجه حساس." دئدی.

گنج، "دونیا کؤنول‌لو قان هدیه‌چی‌لرین گونو" مناسیبتیله شانلیورفادا هئچ بیر قارشی‌لیق گؤزلمه‌دن قان باغیشلایا‌راق حیات قورتاران 416 کؤنول‌لو قان هدیه‌چی‌سی اوچون خصوصی بیر تاسیسات تشکیل ائدیلن ایفطار یئمگینه قاتیلدی.

کؤنول‌لو قان باغیشچی‌لارینا هر ایل دوزنلی اولا‌راق میدال و لوحه وئردیک‌لرینی دیله گتیرن گنج، تورک خالقین تشکیلاتا اولان اعتباری و دستگی‌نین چوخ اولدوغونو ایفاده ائتدی.

"خالقیمیزین بیزه اولان اعتباری بیزی خوشبخت ائتدی"

تورک قیزیل آیی اولا‌راق اللرین‌دن گلدیگینجه خالقی ممنون ائتمه‌یه چالیشدیق‌لارینی، تورکیه‌نین ده جدی نیسبتده قان احتیاجینی قارشیلادیق‌لارینی ایفاده ائدن گنج، "تورک قیزیل آیی اولا‌راق بو آندا تورکیه‌نین یوزده 85 قان احتیاجینی قارشیلاماقداییق. قان بؤلگه مرکزلریمیز هر ایل هدف‌لرینی توتدورور. تورک قیزیل آیی، بو ایلین ایلک 6 آیلیق مدتینده اؤلکه سویه‌سینده قان هدیه‌سینده یوزده 110 کیمی بیر هدفه چاتدی. خالقیمیز قان باغیشی موضوعسوندا سون درجه حساس. کئچن ایل هدفیمیز یوزده 79 کیمی بیر رقمدی اونو گئرچکلشدیرمیشدیک. بو ایل بؤیوک بیر آرتیم گؤسترمه‌سی بیزی غورورلاندیردی، خالقیمیزین بیزه اولان اعتباری بیزی خوشبخت ائتدی. " دئیه دانیشدی.

گنج، تورک قیزیل آیی طرفین‌دن اؤلکه اینسانی‌نین قان و قان ترکیب‌لری احتیاجینی تامامیله کؤنول‌لو، شعورلو و نیظام‌لی باغیشچی‌لاردان قارشیلاماق مقصدیله باشلاتدیغی "تهلوکه‌سیز قان تامینی پروژه‌سی" نین ده داوام ائتدیگین ایفاده ائتدی.

پروژه‌لری‌نین تورکیه اوچون اهمیت‌لی بیر آددیم اولدوغونو وورغولایان گنج، "خصوصیله پروژه سایه‌سینده 21 گون داوام ائدن تستله قان‌داکی دی. ان . آ-‌لارین اینجه‌‌لنمسی و ایچینده اولان خوصوص‌لارین طیبی اولا‌راق آراشدیریلماسی گئنیش اولا‌راق ائدیلیر. بو سبب‌دن هر هانسی بیر خستلیگین قان نقلیله کئچیشینه مانع اولماق اوچون اعتبارلی قان تامینی ائدیریک." دئدی.

مراسیمده، 45 دفعه قان باغیشلایانا لوحه، 35 دفعه قان هدیه‌سینده اولانا قیزیل، 25 دفعه هدیه‌ده اولانا دا گوموش میدال تقدیم ائدیلدی.