کانادانین فورت مک موری شهرینده مئشه یانقینی، بؤیویه‌رک داوام ائدیر

کانادانین آلبرتا ایالتینه باغلی فورت مک موری شهری چؤلونده کئچن هفته باشلایان مئشه یانقینی، بؤیویه‌رک داوام ائدیر.

یانقی‌نین شهری دولماسی اوزرینه بؤلگه‌دن مین‌لرله اینسان تخلیه ائدیلیر.

مسئوللار، شهرین اساس چیخیشینی باغلایان آلوو‌لار سببیله، هر کسی شمالا ایستیقامتلندیریر.

شهر مسئوللاری، خالقا اولا بیلدیگینجه تئز شهری ترک ائتمه‌لری چاغیریسی ائتدی.

خسته‌خانا‌لاردا یاتان 105 خسته ده دونن مرخص ائدیلمیشدی.

فورت مکموری بؤلگه  اطفاعیه رئیسی، یانقی‌نین شهری تامامیله تأثیری آلتینا آلدیغینی، بکون هیل و سئنتنیال تریلر پارک محله‌لریندکی ائولرین تامامیله یاندیقینی سؤیله‌دی.

یانقی‌نین یاییلماسینا، 30 درجه‌یه چاتان ایستی و قورو هاوا ایله زامان زامان اسن کولیین ده سبب اولدوغونو ایفاده ائدن اطفاعیه رئیسی، بیر نئچه گون اوّل 3 مین هکتار اولا‌راق بلیرلدیکلری مئشه یانقینی‌نین یاییلدیغی ساحه‌سی آرتیق تعقیب ائده بیلمدیک‌لرینی قید ائتدی.

سؤندورمه ایشلرینه قاتیلان هاوا تانکر و هلیکوپترلر ایله شهره هاوا نقلیاتی‌نین آخساتماماسی اوچون، فورت مکموری بین الخالق هاوا لیمانی اطرافین‌داکی بینا‌لاردا هاوا‌دان و قارادان داوام‌لی ایسلاتما چالیشماسی ائدیلیر.

کانادا هاوا یول‌لاری آیر کانادا باشدا اولماق عذره، شهره سفری اولان هاوا یولو شیرکت‌لری اوچوش‌لارینی لغو ائتدی.

آلبرتا ایالتی یانقینا مداخیله اوچون، کانادا حکومتین‌دن کؤمک ایسته‌دی.