محمد شیمشک آمریکا مالیه‌ ناظیرینین معاوینی والی آدئیمو‌ ایله گؤروشوب

خزینه و مالیه‌ ناظیری محمد شیمشک آمریکادا تماسلارینی داوام ائتدیریر.

شیمشک آمریکا مالیه‌ ناظیرینین معاوینی والی آدئیمو‌ ایله گؤروشوب.

آمریکا خزینه ناظیرلیگیندن وئریلن آچیقلامادا، شیمشک و آدئیمو آراسیندا آمریکا و تورکیه ایقتیصادیاتلاری‌ ایله یاناشی گلوبال ایقتصادی گؤرونوش حاقیندا دا فیکیر موبادیله‌سی آپاریلدیغی قید ائدیلیب.

گؤروشده تیجارت و یاتیریملارین درینلشدیریلمه‌سی ایله یاناشی، چیرکلی پوللارین یویولماسی و ترورچولوغون مالیه‌لشدیریلمه‌سی ایله موباریزه کیمی مسئله‌لر ‌ده موذاکیره ائدیلیب.