تۆرکیهده کۆلکدن برق اۆرهتیمینده رکورد
کۆلکدن برق اۆرهتیمینده سون رکورد ۳ آوریلده ۲۰۳ مین ۶۹ مگاواتساعات اولاراق ثبت ائدیلمیشدی
تۆرکیهده، کۆلکدن برق اۆرهتیمینده رکورد قیریلدی.
انرژی و طبیعی قایناقلار باخانی آلپآرسلان بایراقدار، تۆرکیهنین ۷ ژانویهده، کۆلکدن یۆزده ۲۸ ایله ثبته گئچهن ان یۆکسک الکتریک اۆرهتیم نیسبتینه چاتدیغینی بیلدیردی.
باخان بایراقدار، ایکس سوسیال مئدیا پلتفورموندان ائتدیگی پایلاشیمدا، بونلاری قید ائتدی:
"هر گئچهن گون آرتان یئنیلنهبیلیر قوُرولو گۆجوموزله یئنی رکوردلارا ایمضا آتیریق. ۷ ژانویه ۲۰۲۴ده کۆلکده یۆزده ۲۸ ایله ثبت ائدیلن ان یۆکسک الکتریک اۆرهتیم نیسبتینه چاتدیق".
تۆرکیهنین کۆلک انرژیسیندن الکتریک اۆرهتیمی ۷ ژانویهده ۲۱۸ مگاواتساعاتلا بۆتون زامانلارین ان یۆکسک سویهسینه چاتارکهن، کۆلگین توپلام الکتریک اۆرهتیمیندهکی پایی یۆزده ۲۸ اولدو. تۆرکیهده، بۆتون قایناقلاردان چیخاریلان الکتریک ایسه ۷۷۸،۵ مگاواتساعات اولاراق گئرچکلشدی.
کۆلکدن برق اۆرهتیمینده سون رکورد ایسه ۳ آوریلده ۲۰۳ مین ۶۹ مگاواتساعات اولاراق ثبت ائدیلمیشدی.