آلمانیا‌دان تورکیه لیمان‌لارینا 1 میلیون تون‌دان چوخ یوک داشینیب

2023-جو ایلین ژانویه-نوامبر آیلاریندا آلمانیا‌دان تورکیه لیمان‌لارینا 1 میلیون 794 مین 503 تون یوک داشینیب.

بو باره‌ده تورکیه‌نین نقلیات و آلت یاپی ناظیرلیگیندن معلومات وئریلیب.

بیلدیریلیب کی، تورکیه بایراغی آلتیندا اوزن گمی‌لر آلمانیا‌دان لیمان‌لارا 22 مین 162 تون، دیگر اؤلکه‌لرین بایراق‌لاری آلتیندا اوزن گمی‌لر ایسه 1 میلیون 771 مین 535 تون یوک چاتدیریب.

بو مدت عرضینده آلمانیا بایراق‌لی گمی‌لرله تورکیه لیمان‌لارینا 806 تون یوک چاتدیریلیب. 2023-جو ایلین ژانویه-نوامبر آیلاریندا تورکیه لیمان‌لارینا آلمانیا‌دان 267 مین 90 تون ترانزیت یوک داشینیب.

قئید ائدک کی، 2023-جو ایلین نوامبر آییندا تورکیه لیمان‌لاری 29 میلیون 7 مین 840 تون یوک قبول ائدیب.

بو دؤور عرضینده ده تورکیه بایراغی آلتیندا اوزن گمی‌لرله ایچ لیمان‌لارا یوک قبولو 2 میلیون 421 مین 748 تون تشکیل ائدیب.

تورکیه لیمان‌لارینا دیگر اؤلکه‌لرین بایراق‌لاری آلتیندا اوزن گمی‌لرله یوک داشینماسی 26 میلیون 586 مین 92 تون اولوب.

بونونلا یاناشی، 2023-جو ایلین نوامبر آییندا تورکیه لیمانلاریندان‌ 4 میلیون 499 مین 80 تون ترانزیت یوک داشینیب.

2023-جو ایلین ژانویه-نوامبر آیلاریندا تورکیه لیمان‌لاری 355 میلیون 321 مین 803 تون یوک قبول ائدیب.

2023 -جو ایلین ژانویه-نوامبر آیلاریندا تورکیه بایراغی آلتیندا اوزن گمی‌لرله یوک قبولو 26 میلیون 473 مین 938 مین تون تشکیل ائدیب. دیگر اؤلکه‌لرین بایراق‌لاری آلتیندا اوزن گمی‌لرله ایسه تورکیه لیمان‌لارینا یوکداشیما‌لار 328 میلیون 847 مین 865 تون تشکیل ائدیب، - دئیه معلوماتدا قئید ائدیلیب.

معلوماتدا بیلدیریلیب کی، 2023-جو ایلین ژانویه-نوامبر آیلاریندا تورکیه لیمانلاریندان‌ 61 میلیون 495 مین 202 تون ترانزیت یوک داشینیب.

قئید ائدک کی، بو ایلین نوامبر آییندا تورکیه لیمان‌لاری 4 مین 309 گمی قبول ائدیب.

معلوماتا گؤره، بو دؤورده تورکیه لیمان‌لارینا دیگر اؤلکه‌لرین بایراق‌لاری آلتیندا قبول ائدیلن گمی‌لرین سایی 2 مین 911، تورکیه بایراغی آلتیندا قبول ائدیلن گمی‌لرین سایی ایسه مین 398 اولوب.

2023-جو ایلین ژانویه-نوامبر آیلاریندا تورکیه لیمان‌لاری 55 مین 495 گمی قبول ائدیب.

"بو مدت عرضینده تورکیه لیمان‌لاری طرفیندن قبول ائدیلن دیگر اؤلکه‌لرین بایراق‌لاری آلتیندا اولان گمی‌لر 37 مین 749، تورکیه بایراغی آلتیندا اولان گمی‌لر ایسه 17 مین 746 اولوب"، - دئیه ناظیرلیک‌دن بیلدیریلیب.