تورکیه‌نین توریزم گلیری آرتدی

تورکیه‌نین توریزم گلیری، ایلین اوچونجو دؤردده‌بیرینده گئچه‌ن ایلین عینی دؤنمینه گؤره یوزده ۱۳،۱ آرتاراق ۲۰ میلیارد ۲۲۵ میلیون ۳۱۷ مین دلار اولدو.
تورکیه استاتیستیک قورومو (تویک)، بو ایلین جولای-سپتامبر دؤنمینه باغلی توریزم استاتیستیکلرینی آچیقلادی.
بونا گؤره، توریزم گلیری، اوچونجو دؤردده‌بیرده گئچه‌ن ایلین عینی دؤردده‌بیرینه مقایسه‌ده یوزده ۱۳،۱ آرتدی. سؤزو گئدن دؤنمده توریزم گلیری ۲۰ میلیارد ۲۲۵ میلیون ۳۱۷ مین دلار اولدو.
توریزم گلیرینین یوزده ۱۶،۵ی تورکیه‌یه گلن یورددیشی ایقامتلی وطنداشلاردان تامین ائدیلدی.
بو دؤنمده خاریجی قوناقلار تورکیه‌یه یوزده ۷۶،۲ ایله ان چوخ "گزینتی، اگله‌نجه، ایدمان و مدنی فعالیتلر" آماجییلا گلدی.
یورددیشی ایقامتلی وطنداشلار ایسه تورکیه‌یه یوزده ۶۱،۲ ایله ان چوخ "قوهوم و یولداشلارینی گؤرمک" مقصدی ایله گلدی.