آوقوست آییندا ان یوکسک صادرات حیاتا کئچیریلیب
بو بارهده تورکیه-نین تیجارت ناظیری عمر بولات رسمی اینترنت صحیفهسینده پایلاشیم ائدیب.
آوقوست آییندا 21،6 میلیارد دولار مبلغینده صادرات حیاتا کئچیریلیب.
بو بارهده تورکیه-نین تیجارت ناظیری عمر بولات رسمی اینترنت صحیفهسینده پایلاشیم ائدیب.
عمر بولات زلزله فلاکتینه و قلوبال اقتصادیاتداکی یاواشلامایا باخمایاراق صادراتین دایانیقلی سیرینی داوام ائتدیگینی بیلدیریب.
"آوقوست آییندا 21 میلیارد 619 میلیون دولار مبلغینده صادرات حیاتا کئچیریلیب،-دئیه عمر بولات وورغولاییب.
تیجارت ناظیرلیگیندن وئریلن بیاناتدا سون 12 آیدا 253 میلیارد 574 میلیون دولار مبلغینده صادراتین حیاتا کئچیریلدیگی بیلدیریلیب.
آوقوست آییندا ان چوخ صادراتین حیاتا کئچیریلدیگی اؤلکهلرین آلمانیا، امریکا و عراق اولدوغو قئید اولونوب. بو چرچیوهده آلمانیایا 1 میلیارد 783 میلیون، امریکایا ایسه 1 میلیارد 322 میلیون و عراقا 1 میلیارد 91 میلیون دولار مبلغینده صادراتین حیاتا کئچیریلدیگی بیلدیریلیب.
آوقوست آییندا آوروپا بیرلیگی اؤلکهلرینه 8 میلیارد 520، یاخین و اورتا دوغویا 3 میلیارد 814 میلیون و آوروپا اؤلکهلرینه 3 میلیارد 463 میلیون دولار صادرات حیاتا کئچیریلیب.
ایلگیلیلی خبرلر
تورکیهنین صنایع ایستحصالی آرتدی
تورکیه استاتیستیک تشکیلاتی (تویک) نتیجهلرینه گؤره، صنایع ایستحصالی ایندکسی یوزده 4.3 آرتیب