تورکیه ایله عربیستان آراسیندا معدن امکداش‌لیق موقاویله‌سی ایمضالاندی
تورکیه-نین انرژی و طبیعی ثروت‌لر ناظیری آلپارسلان بایراکتار سعودی عربیستانی ایله معدن ساحه‌سینده امکداش‌لیق موقاویله‌سی ایمضالادیق‌لارینی آچیقلاییب.
تورکیه-نین انرژی و طبیعی ثروت‌لر ناظیری آلپارسلان بایراکتار سعودی عربیستانی ایله معدن ساحه‌سینده امکداش‌لیق موقاویله‌سی ایمضالادیق‌لارینی آچیقلاییب.
آلپارسلان بایراکتار "ت.ر.ت خبر" کانالینا انرژی گوندمی ایله باغلی دانیشیب: "تورکیه-نین انرژی ساحه‌سینده ایرلیلییش‌لری داوام ائدیر. سعودی عربیستانی‌نین صنایع و معدن قایناق لاری ناظیری بندر بن ابراهیم الخرایف ایله آوقوستون 28-ده ناظیرلیکده گؤروشدوک. معدن ساحه‌سینده قارشی‌لیق‌لی یاتیریم لارلا باغلی امکداشلیغا یول آچا‌جاق آنلاشما سندی ایمضالادیق.
موقاویله الکتریک‌لی اتومبیل لر و گونش پنل‌لری کیمی ساحه‌لرده یئنی تکنولوژی لری احتیوا ائدیر.
سعودی عربیستانی ایله یاشیل هیدروژن، کولک و گونش پنل لرینه دایر 5 مین مگاوات گوچلوک موقاویله باغلادیق.
قارا دنیز گازی و قاباردا نفتین تاپیلماسی تورکیه-نین انرژی ساحه‌سینده خاریجه آسیلی‌لیق‌دان قورتولماسی اوچون بؤیوک اهمیت کسب ائدیر.
تورکیه-نین قابار و ساکاریا گاز یاتاق‌لاری بؤیوکلوگونده بیر نئچه کشفه احتیاجی وار. سپتامبر آییندا وان-دا گازما ایشلری آپاراجاغیق. بو یئرلردن گله‌جک گلیرلر خاریجه آسیلیلیغیمیزی آزالتماق اوچون بیر آددیم اولا‌جاق".
ایلگیلی‌لی خبرلر
تورکیه‌نین خالچا ایخراجی اولکی ایله نیسبتا یوزده ۴،۲ آرتیب
تورکیه‌نین خالچا صنایعسی‌نین ۲۰۲۵-جی ایلده ایخراجینی داها دا آرتیراجاغی گؤزلنیلیر
تورکیه‌نین صبیحا گؤکچن هاوا لیمانیندا یولچو داشیما 41 میلیون نفری کئچیب
بو باره‌ده تورکیه‌نین نقلیات و آلت یاپی ناظیرلیگیندن معلومات وئریلیب.
