مارس آییندا بوتون زامانلارین ان یوکسک آیلیق صادراتی رئاللاشیب
تیجارت ناظیری محمت موش ناظیرلیکده کئچیردیگی مطبوعات کنفرانسیندا مارس آیی خاریجی تیجارت رقملرینی آچیقلاییب.
1970384
تورکیه-ده مارس آییندا 4،4 فایز آرتیملا بوتون زامانلارین ان یوکسک آیلیق صادراتی رئاللاشیب.
تیجارت ناظیری محمت موش ناظیرلیکده کئچیردیگی مطبوعات کنفرانسیندا مارس آیی خاریجی تیجارت رقملرینی آچیقلاییب.
ناظیر محمت موش 6 فوریهده قهرمان ماراش مرکزلی زلزلهنین تولید و تداروکدهکی منفی تأثیرلرینه باخمایاراق، مارس آییندا صادراتین 4،4 فایز آرتاراق 23،6 میلیارد دولارا چاتدیغینی ایفاده ائدیب.
"بو رقم بوتون زامانلارین ان یوکسک آیلیق صادرات گؤستریجیسیدیر. یورو-دولار برابرینین صادراتیمیزی 340 میلیون دولار آزالتماسینا باخمایاراق، بو اوغورا نایل اولدوغوموزو وورغولاماق ایستردیم"، -دئیه ناظیر قئید ائدیب.
محمت موش 2023-جو ایلین ایلک اوچ آییندا صادراتین 2،5 فایز آرتاراق 61،6 میلیارد دولارا چاتدیغینی سؤیلهییب.