تورکیه‌نین صادراتی آرتاراق داوام ائدیر
"اکتبر آییندا صادراتیمیز اؤنجه‌کی ایلین عینی آیینا گؤره یوزده ۳ آرتاراق ۲۱،۳ میلیارد دلار اولاراق گئرچکلشدی"
تورکیه‌نین اکتبر آییندا صادراتی بیر اؤنجه‌کی ایلین عینی آیینا گؤره یوزده ۳ آرتاراق ۲۱،۳ میلیارد دلار اولدو.
تیجارت باخانی محمد موش، ایستانبول‌دا تورکیه صادراتچیلار مجلیسینده ۲۰۲۲.جی ایلین اکتبر آیی خاریجی تیجارت بیلگیلرینی آچیقلادی.
تیجارت باخانی موش،
"اکتبر آییندا صادراتیمیز اؤنجه‌کی ایلین عینی آیینا گؤره یوزده ۳ آرتاراق ۲۱،۳ میلیارد دلار اولاراق گئرچکلشدی" دئدی.
تیجارت باخانی،
"اوکراینا-روسیا ساواشی و ۲۴ فوریه‌ده باشلایان انرژی بحرانی کیمی یئنی پروبلئملره باخمایاراق، اقتصادیمیزداکی بو گوجلو حرکت ۲۰۲۲.جی ایلده ده داوام ائدیر و بو ایلین بیرینجی یاریسیندا اورتالاما ۷،۵% آرتیش قید ائتدی. آرتیشین تخمیناً یاریسینین صادرات قایناقلی اولماسی و بئله‌لیکله صادراتین بؤیومه‌نین لوکوموتیوی اولماغا داوام ائتمه‌سی بیزلری سئویندیریر. بوتون اولومسوزلوقلارا باخمایاراق، ۲۰۲۱.جی ایلده ۵۷% آرتیشلا ۵۵،۶ میلیارد دلار اولان خیدمت صادراتیمیز، بو ایلین ۸ آییندا دا ۶۶% آرتاراق ۵۲،۵ میلیارد دلارا یاخینلاشمیشدیر" ایفاده‌سینی ایشلتدی.
