دونیا بانکی تورکیه-یه 512،2 میلیون دو‌لار وام آییردی

دونیا بانکی ایقلیم و طبیعی تهلوکه‌لره دایانیقلی منزیل و آلت یاپی لارا چیخیشی آرتیرماق اوچون تورکیه-‌یه 512،2 میلیون دو‌لار وام آیریلماسینی تصدیقله‌دی.

بانک‌دان وئریلن آچیقلامادا بیلدیریلیر: "مالیه ایقلیم و فلاکته دؤزوملو شهرلر لاییحه‌سی اوچون نظرده توتولوب.

دونیا بانکی ایجراچی دیرئکتورلار شوراسی اقتصادی اینکیشافی و اینسان‌لارین حیاتی‌نین قورونماسینا دستک مقصدی ایله ایقلیم و طبیعی تهلوکه‌لره دایانیقلی منزیل و آلت یاپی لارا چیخیشی آرتیرماق اوچون تورکیه-‌یه آیریلا‌جاق 512،2 میلیون دو‌لار مالیه لشدیرمگی تصدیق ائدیب. نتیجه‌ده 1 میلیون‌دان چوخ ریسک‌لی یاشاییش بینا‌لاری یئنی‌دن قورولا‌جاق و یا محکم‌لنه‌جک، وئریلن وام لاردان ایسه 32 مین نفر فایدا‌لانا‌جاق.

یاشاییش یئرلری و آلت یاپی تاسیس لرینین ایقلیم تأثیرلرینه داواملی اولماسی تورکیه-‌نین ایقلیم دییشیک‌لیگی و اطراف موحیطین داوام‌لی‌لیغی ایله باغلی عهده ‌لیک‌لرینی یئرینه یئتیرمه‌سی و اقتصادی آرتیمینی داوام ائتدیرمه‌سی اوچون مهم اهمیت کسب ائدیر".