"هیدروکربن رزرولری قونوسوندا تورکیه ایله امکداشلیق دانیشیقلارینا باشلادیق"

سومالی جمهورباشقانی حسن شیخ محمود، تورکیه‌نین، دؤولت قوروجولوغو باخیمیندان، اینسانی، گوونلیک، ساوونما و تروریستلرله موباریزه باخیمیندان ان چتین آنلاردا یانلاریندا اولدوغونو سؤیله‌دی

1852062
"هیدروکربن رزرولری قونوسوندا تورکیه ایله امکداشلیق دانیشیقلارینا باشلادیق"

سومالی جمهورباشقانی حسن شیخ محمود، اؤلکه‌سینین هیدروکربن رزرولری قونوسوندا تورکیه ایله امکداشلیق دانیشیقلاری آپاردیغینی بیلدیردی.

جمهورباشقانی رجب طیب اردوغانین دعوتی ایله ۳-۵ جولایدا تورکیه‌ده اولان محمود مطبوعاتا آچیقلامالار وئردی.

تورکیه ایله عثمانلی ایمراتورلوغون‌دان باشلایاراق تاریخی ایلیشکیلره صاحیب اولدوقلارینی وورغولایان محمود، جمهورباشقانی اردوغانین باشباخانلیق دؤنمیینده (۲۰۱۱.جی ایل) سومالییه سفری ایله بو ایلیشکیلرین یئنی‌دن جانلاندیغینی بیلدیردی.

اردوغانین سفرینین اؤنمینه ایشاره ائد‌ن محمود، بو سفرین اؤلکه‌سینین دونیایا آچیلماسی اوچون بیر فورصت اولدوغونو دیبه گتیردی. محمود،

"بوندان سونرا تورکیه، دؤولت قوروجولوغو باخیمیندان، اینسانی باخیمدان، گوونلیک باخیمیندان، ساوونما باخیمیندان، تروریستلرله موباریزه باخیمیندان ان چتین آنلاردا یانیمیزدا اولدو. اونا گؤره ده بو بؤیوک اؤلکه‌نین و خالقینین بیزیم اوچون اؤزل معناسی وار" ایفاده‌سینی ایشلتدی.

سومالینین هیدروکربن زنگینلیکلری ایله باغلی سوالا محمود:

"بو گون سومالینین هیدروکربن پتانسیلی ایله باغلی چوخ یاخشی بیلگیلر وار، آنجاق بو بیلگیلر یئترلی دئییل" دئدی.

سومالینین آفریقانین ان بؤیوک (دنیز) ساحلینه صاحیب اولدوغونو قید ائد‌ن محمود، هله‌لیک بوتون بؤلگه‌نین آراشدیریلمادیغینی بیلدیردی.

تورکیه ایله هیدروکربن قونوسوندا امکداشلیغا توخونان سومالی جمهورباشقانی:

"تورکیه تکنولوژی، بیلگی و تکنیک تجروبه باخیمیندان چوخ گلیشمیش بیر اؤلکه‌دیر. تورکیه و سومالی حکومتلری آراسیندا بو هیدروکربن مسئله‌سین‌ده بیرلیکده نئجه ایشله‌یه‌بیله‌جگیمیزله باغلی معین پروسه‌لر و دانیشیقلار وار. بو، بیزیم اوچون اؤنجه‌لیکلی بیر ساحه‌دیر. بیز تورکیه حکومتینه اینانیر و گووه‌نیریک. اورتاق اولاراق تورکیه شیرکتلرینه گووه‌نیریک. هیدروکربن ساحه‌سین‌ه حؤکومتلرآراسی اورتاقلیق مسئله‌سینی دانیشماغا باشلادیق. ایلک مرحله‌دییک، بیرلیک‌ده ایشله‌ییریک" ایفاده‌لرینی ایشلتدی.

آراشدیرمالار، سومالینین ان آز ۳۰ میلیارد بوشقا نفت و گاز رزروینه صاحیب اولابیله‌جگینی گؤستریر.



ایلگیلی‌لی خبرلر