تورکیه صادراتیندا آرتیش داوام ائدیر
"مارس آییندا صادراتیمیز گئچه‌ن ایلین مارس آیی ایله مقایسه‌ده یوزده ۱۹،۸ آرتاراق ۲۲،۷ میلیارد دلارا چاتدی"
تورکیه‌نین مارس آییندا صادراتی بیر اؤنجه‌کی ایلین عینی آیینا گؤره یوزده ۱۹،۸ آرتاراق ۲۲،۷ میلیارد دلارا چاتدی. بو رقم بوتون زامانلارین ان یوکسک مارس آیی صادرات رقمی اولاراق ثبت ائدیلدی.
تیجارت باخانی محمد موش مارس آیی خاریجی تیجارت رقملرینی آچیقلادی.
تورکیه‌نین ۲۰۲۱.جی ایلده صادراتدا قازاندیغی سرعتی قورودوغونو وورغولایان موش،
"مارس آییندا صادراتیمیز گئچه‌ن ایلین مارس آیی ایله مقایسه‌ده یوزده ۱۹،۸ آرتاراق ۲۲،۷ میلیارد دلارا چاتدی. بو، بوتون دؤنملرین مارس آیی اوچون ان یوکسک صادرات گؤستریجیسیدیر" دئدی.
باخان موش،
"ژانویه و فوریه آیلاریندا ان یوکسک آیلیق رقملری آچیقلامیشدیق. مارس آیی ایله بیرلیکده بو ایل ۳ده ۳ اولدو" ایفاده‌لرینی ایشلتدی.
تیجارت باخانی موش،
"۲۳۵،۶ میلیارد دلارا چاتان سون ۱۲ آیلیق صادراتلا جمهورباشقانیمیز رجب طیب اردوغانین ایلین سونو اوچون ایشاره ائتدیگی ۲۵۰ میلیارد دلارلیق صادرات هدفینه دوغرو ساغلام آددیملارلا ایرلیله‌ییریک" دئدی.
ایلگیلی‌لی خبرلر
تورکیه‌نین صنایع ایستحصالی آرتدی
تورکیه استاتیستیک تشکیلاتی (تویک) نتیجه‌لرینه گؤره، صنایع ایستحصالی ایندکسی یوزده 4.3 آرتیب
