اردوغان: آماجیمیز تورکیه‌نی دونیانین ان بؤیوک ۱۰ اقتصادی آراسینا یوکسلتمکدیر
"بو آندا اولوسلارآراسی پول صاندیغینا بورجوموز اولمادیغی کیمی، صاندیق ایله هر هانسی بیر ارتباطیمیز دا یوخ"
جمهورباشقانی رجب طیب اردوغان، هدفلرینین تورکیه‌نی دونیانین ان بؤیوک ۱۰ اقتصادی آراسینا یوکسلتمک اولدوغونو سؤیله‌دی.
اردوغان، ایستانبول‌دا اقتصادچی و آکادمیسینلرله بیر آرایا گلدیگی ییغینجاق‌دا دانیشدی.
تورکیه‌نین ایلک دفعه اؤز حکومتلری دؤورون‌ده تخمیناً ۲۰ ایللیک کسینتیسیز بیر گلیشمه سوره‌جی یاشادیغینی وورغولایان اردوغان، بو سایه‌ده اصل بؤیوک اقتصادی حمله ائده‌بیلمک اوچون لازیم اولان آلت یاپینی اؤنملی اؤلچوده تاماملاماغی باجاردیقلارینی سؤیله‌دی.
اقتدارا گلدیکلری ۲۰۰۲ده اؤلکه‌نین اولوسلارآراسی پول صاندیغینا اولان بورجونون ۲۳،۵ میلیارد دلار اولدوغونو، می ۲۰۱۳ده بو بورجو بیتیردیکلرینی وورغولایان اردوغان،
"بو آندا اولوسلارآراسی پول صاندیغینا بورجوموز اولمادیغی کیمی، صاندیق ایله هر هانسی بیر ارتباطیمیز دا یوخ" دئدی.
مرکز بانکین‌داکی ارز رزروینین ۱۱۵ میلیارد دلارین اوزرین‌ده اولدوغونو وورغولایان اردوغان،
"(رزرولر) بو گئدیشله چوخ داها یاخشی اولاجاق. مقصدیمیز اؤلکه‌میزی دونیانین ان بؤیوک ۱۰ اقتصادی آراسینا گتیرمکدیر" دئدی.
