اسلام آباد-تهران-ایستانبول یوک قاتاری پروژهسی یئنیدن باشلادی
اوچ اؤلکه آراسیندا ۲۰۰۹دا حیاتا گئچیریلهن پروژهیه پاکیستاندا یاشانان گئجیکمهلر سببی ایله ۲۰۱۱ده سون وئریلمیشدی
1750728
پاکیستان، ایران و تورکیه آراسیندا گرچکلشدیریلن "اسلام آباد-تهران-ایستانبول یوک قاتاری پروژهسی" اسلام آباددان بو گون قالخان قاتارلا یئنیدن باشلادی.
اسلام آباد-تهران-ایستانبول یوک قاتاری پروژهسی اوچون پاکیستانین باشکندی اسلام آباددا مارگاللا قاتار دوراغیندا مراسیم تشکیل ائدیلدی.
مراسیمه، پاکیستان خاریجی ایشلر باخانی شاه محمود قریشی، دمیریوللاری باخانی اعظم خان سواتی، تورکیهنین اسلام آباد ائلچیسی احسان مصطفی یورداقول، ایرانین اسلام آباد ائلچیسی محمد علی حسینی، اقتصادی امکداشلیق تشکیلاتیندان یئتکیلیلر و چوخ ساییدا قوناق قاتیلدی.
اوچ اؤلکه آراسیندا ۲۰۰۹دا حیاتا گئچیریلهن پروژهیه پاکیستاندا یاشانان گئجیکمهلر سببی ایله ۲۰۱۱ده سون وئریلمیشدی.
بو پروژهده قاتار یولو مسافهسی ۶ مین ۵۴۳ کیلومتردیر.