اکتبر آییندا تورکیه‌دن ان چوخ ایران وطنداشلاری ائو آلدی
خاریجیلره ائو ساتیشین‌دا ایسه اکتبر آییندا ایستانبول ۲۴۶۴ ساتیشلا بیرینجی اولدو
اکتبر آییندا تورکیه‌ده خارجیلره ۵ مین ۸۹۳ ائو ساتیلدی.
تورکیه استاتیستیک قورومونون بیلگیلرینه گؤره، اکتبردا تورکیه‌ده ۱۳۷ مین ۴۰۱ ائو ساتیلدی. ائو ساتیشلاری اؤنجه‌کی ایلین عینی آیینا گؤره یوزده ۱۴،۹ آرتدی.
بو مدت عرضین‌ده خارجیلر ۵۸۹۳ ائو آلدی. اکتبر آییندا خاریجیلره ائو ساتیشلاری ایللیک اولاراق یوزده ۱۲،۱ آرتدی.
خاریجیلره ائو ساتیشین‌دا ایسه اکتبر آییندا ایستانبول ۲۴۶۴ ساتیشلا بیرینجی اولدو. بو شهری ۱۳۸۵ ساتیشلا آنتالیا و ۳۵۹ ساتیشلا آنکارا ایزله‌دی.
ژانویه-اکتبر دؤورون‌ده خاریجیلره ائو ساتیشی بیر اؤنجه‌کی ایلین عینی دؤورونه گؤره یوزده ۳۸ آرتاراق ۴۳ مین ۳۷۲ اولدو.
اکتبر آییندا ایران وطنداشلاری تورکیه‌دن ۱۲۶۵ ائو آلدی. ایران وطنداشلارینی، ۹۲۶ ائو ایله عراق وطنداشلاری و ۵۴۳ ائو ایله روسیا وطنداشلاری ایزله‌دی.
ایلگیلی‌لی خبرلر
تورکیه-نین روسیایا اتومبیل صنایعسی محصول‌لاری صادراتی آزالیب
ژانویه-مارس آیلاریندا تورکیه-نین روسیایا اتومبیل صنایعسی محصول‌لاری صادراتی آزالیب.
