تورکیه‌ده خاریجیلره ائو ساتیشیندا رکورد
ایران وطنداشلاری، توپلام ۱۳۲۳ ائو آلیشی ایله، تورکیه‌دن ائو آلان خارجی اؤلکه وطنداشلاری آراسیندا بیرینجی یئری توتدو
تورکیه‌ده سپتامبر آیین‌دا خاریجیلره ائو ساتیشی ۲۰۱۳.جو ایلدن بو یانا ان یوکسک آیلیق ساتیش رقمی اولاراق ثبت ائدیلدی.
تورکیه استاتیستیک قورومو سپتامبر آیی اوچون ائو ساتیش رقملرینی آچیقلادی.
بونا گؤره، خارجیلره ائو ساتیشی سپتامبر آیین‌دا ایللیک یوزده ۲۵،۸ آرتیشلا ۶۶۳۰ اولدو. بو رقم، سرینین اعلان ائدیلدیگی ۲۰۱۳.جو ایلدن بو یانا ان یوکسک آیلیق ساتیش رقمی اولاراق ثبت ائدیلدی.
اؤنجه‌کی رکورد ۲۰۱۸.جی ایلین اکتبر آیین‌دا ۶ مین ۲۷۶ ائو ساتیشی ایله الده ائدیلمیشدی.
سپتامبر آیین‌دا خارجیلره ائو ساتیشلارینین توپلام ائو ساتیشلارین‌دا پایی یوزده ۴،۵ ایدی.
خارجیلره ائو ساتیشیندا ایستانبول سپتامبر آیین‌دا ۲ مین ۹۹۵ ائو ساتیشی ایله بیرینجی یئری توتدو. بو شهری سیراسییلا ۱۳۵۸ ائو ساتیشی ایله آنتالیا، ۴۰۸ ائو ساتیشی ایله آنکارا ایزله‌دی.
ژانویه-سپتامبر دؤورون‌ده خاریجیلره ائو ساتیشی بیر اؤنجه‌کی ایلین عینی دؤورونه گؤره یوزده ۴۳،۲ آرتاراق ۳۷ مین ۴۷۹ اولدو.
ایران وطنداشلاری، توپلام ۱۳۲۳ ائو آلیشی ایله، تورکیه‌دن ائو آلان خارجی اؤلکه وطنداشلاری آراسیندا بیرینجی یئری توتدو.
