تورکیه ایله قازاقیستان آراسینداکی تجارت حجمی ۱۵ قات آرتدی
قازاقیستان تجارت باخانی: تورکیه، اؤلکهمیزین ان بؤیوک ۱۰ تجارت اورتاغیندان بیریدیر
قازاقیستان ایله تورکیه آراسینداکی تجارت حجمینین ۳۰ ایلده ۱۵ قات آرتدیغی بیلدیریلدی.
قازاقیستان تجارت باخانی باکیت سلطانوو، تورکیه ایله قازاقیستانین تجارت ساحهسیندهکی ایلیشکیلری دگرلندیردی.
سلطانوو، گلهجک ایل ایکی اؤلکه آراسینداکی دیپلوماتیک ایلیشکیلرین تاسیسینین ۳۰.جو ایل دؤنومونو قوتلایاجاقلارینی خاطیرلاداراق، ایکی اؤلکه آراسینداکی تجارت ایلیشکیسینین مثبت گلیشمه ایله ایرلیلهدیگینی سؤیلهدی.
تجارت حجمینین ۱۹۹۰لارین باشیندا ۲۰۰ میلیون دلار دولاییندا اولدوغونا ایشاره ائدن سلطانوو،
"ایکی اؤلکهنین تجارت حجمی ۳۰ ایلده ۱۵ قات آرتدی. بو آندا تورکیه، اؤلکهمیزین ان بؤیوک ۱۰ تجارت اورتاغیندان بیریدیر" ایفادهسینی ایشلتدی.
سلطانوو، بو ایلین ژانویه-ژوئن دؤورونده تجارت حجمینین گئچهن ایلین عینی دؤورونه گؤره یوزده ۵،۳ آرتاراق ۱ میلیارد ۷۸۸ میلیون دلارا چاتدیغینی سؤیلهدی.
سلطانوو، اورتاق هدفین تجارت حجمینین قیسا وعدهده ۵ میلیارد، اوزون وعدهده ۱۰ میلیارد دلارا چیخارماق اولدوغونو وورغولادی.
سلطانوو،
"قارشیلیقلی تجارتین اؤنوندهکی تکنیکی مانعلری اورتادان قالدیرماق اوچون بو آندا بیر اورتاق چالیشما قروپو یارادیلیر. قروپون ایلک ییغینجاغینین بو ایل ائدیلمهسینی دوشونوروک" دئدی.