تورکیهده ایشسیزلیک آزالدی
تورکیه استاتیستیک قورومو، ۲۰۲۱.جی ایلین ژوئن آیی اوچون ایش گوجو رقملرینی آچیقلادی
تورکیهده ایشسیزلیک نیسبتی ژوئن آییندا بیر اؤنجهکی آیا گؤره ۲،۵ پوئن آزالاراق یوزده ۱۰،۶ اولدو.
سؤزوگئدن دؤورده ایشسیزلرین ساییسی ۳ میلیون ۳۹۹ مین نفره دوشدو. تورکیه استاتیستیک قورومو (تویک) ۲۰۲۱.جی ایلین ژوئن آیی اوچون ایش گوجو رقملرینی آچیقلادی.
بونا گؤره تورکیهده ۱۵ یاش و اوزری ایشسیزلرین سایسی ژوئن آییندا بیر اؤنجهکی آیا گؤره ۸۲۳ مین نفر آزالاراق ۳ میلیون ۳۹۹ مین نفر اولدو. ایشسیزلیک نیسبتی ایسه ۲،۵ پوئن آزالاراق یوزده ۱۰،۶ اولدو. ایشسیزلیک نیسبتی بیر اؤنجهکی ایلین عینی آیینا گؤره ۲،۷ پوئن آزالدی. اکینچیلیک دیشی ایشسیزلیک نیسبتی بیر اؤنجهکی آیا گؤره ۲،۷ پوئن آزالاراق ژوئن آییندا یوزده ۱۲،۳ اولاراق حسابلاندی. سؤزوگئدن آیدا ۱۵-۲۴ یاش قروپونو احاطه ائدن گنج اهالینین ایشسیزلیک نیسبتی بیر اؤنجهکی آیلا مقایسهده یوزده ۰.۲ آزالاراق یوزده ۲۲.۷، استخدام نسبتی ۰.۴ پوئنلیک آرتیشلا یوزده ۳۲.۶ اولدو.
بو یاش قروپوندا ایش گوجونه قاتیلیم نیسبتی ایسه بیر اؤنجهکی آیا گؤره ۰،۶ پوئن آرتاراق یوزده ۴۲،۳ اولدو.
ایلگیلیلی خبرلر
چین-دن تورک لیمانلارینا 3 میلیون توندان چوخ یوک داشینیب
ژانویه -مارس آیلاریندا چیندن تورک لیمانلارینا 3 میلیون توندان چوخ یوک داشینیب.