می آییندا خاریجی لره ائو ساتیش لاری آرتیب

تورکیه-‌ده خاریجی لره ائو و منزیل ساتیش‌لاری 2021-جی ایلین می آییندا 106،5 فایز آرتا‌راق 1776 اولوب.

تورکیه ایستاتیستیک تشکیلاتی بو ایلین می آیی ایله باغلی ائو آلیش-ساتیش ایستاتیستیک لرینی آچیقلاییب. معلوماتا گؤره، تورکیه ائو ساتیشی می آییندا کئچن ایلین عینی آیی ایله موقاییسه‌ده 16،2 فایز آرتا‌راق 59 مین 166 اولوب.

می آییندا خاریجی لره 1776 ائو ساتیلیب. بو دا کئچن ایلله موقاییسه‌ده 106،5 فایز آرتیم دئمک‌دیر.

خاریجی‌لره ائو ساتیش‌لاریندا می آییندا بیرینجی سیرادا 818 ائوله ایستانبول اولوب. اوندان سونرا آنتالیا (341)، آنکارا (106)، مرسین (80) و ساکاریا (75) گلیر.

2021-جی ایلین می آییندا عراق وطنداش‌لاری تورکیه-‌دن 239 ائو آلیب. اونلاردان سونرا ایران (231)، روسیا (119)، افغانیستان (98) و آلمانیا (87) وطنداش‌لاری‌دیر.