تورکیه‌ده قیزیل معدنی تاپیلدی
آغری‌دا بازار دیری ۱،۲ میلیارد دلار اولان ۲۰ تن قیزیل و ۲،۸ میلیون دلار اولان ۳،۵ تن گوموش رزروی تاپیلدی
صنایع و تکنولوژی باخانی مصطفی وارانک، آغری ملاقارادا بازار دیری ۱،۲ میلیارد دلار اولان ۲۰ تن قیزیل و ۲،۸ میلیون دلار اولان ۳،۵ تن گوموش رزروی معین ائدیلدیگینی آچیقلادی.
باخان وارانک، کوزا قیزیل ایشلتمه‌لری آغری ملاقارا تاسیسی تمل آتما مراسیمین‌ده، تاسیسین تخمیناً ۱۶۰ میلیون دلارلیق سرمایه ایله تاماملاناجاغینی، آغرینین قالخینماسینی و گلیشیمینی سرعتلندیرجگینی، قیزیل اوره‌تیمی قونوسون‌دا تورکیه‌نین گوجونه گوج قاتاجاغینی سؤیله‌دی.
بو گون تورکیه‌نین، دونیانین ساییلی قیزیل اوره‌تیچیلری آراسین‌دا اولدوغونو وورغولایان وارانک، گئچه‌ن ایل سالقینا باخمایاراق ۱۸ فعال معد‌ن‌ده ۴۲ تن قیزیل چیخاریلدیغینی دیله گتیردی.
وارانک، آغری ملاقارادا کوزا قیزیل طرفین‌دن بو گون بازار دیری ۱،۲ میلیارد دلار اولان ۲۰ تن قیزیل و ۲،۸ میلیون دلار دگرین‌ده ۳،۵ تن گوموش رزروی معین ائدیلدیگینی بیلدیردی.
" اؤلکه‌میز، بؤلگه‌میز و دونیا باخیمین‌دان اؤنملی بیر گلیشمه. تاپیلان رزرو ۰،۹۲لیک تنور دگریله اؤلکه‌میزده‌کی بنزر معدنلره مقایسه‌ده چوخ داها زنگین بیر ایچریگه صاحب" دئیه دانیشدی.
رزروین چئوره‌یه حساس بیر شکیل‌ده اقتصادا قازاندیریلماسینی تامین ائد‌جکلرینی ایفاده ائد‌ن وارانک، تاسیسین، ایشلتمه دؤورونده بیرباشا ۵۰۰، دولاییلی اولاراق ۲ مین وطنداشا ایش ایمکانی تامین ائدجگینی قید ائتدی.
وارانک، تاسیس‌ده‌کی ایلک قیزیل تؤکمه ایشینین ۲۰۲۲نین سون دؤردده‌بیرین‌ده گرچکلشمه‌سینی گؤزلدیکلرینی بیلدیردی.
ایلگیلی‌لی خبرلر
تورکیه‌نین صنایع ایستحصالی آرتدی
تورکیه استاتیستیک تشکیلاتی (تویک) نتیجه‌لرینه گؤره، صنایع ایستحصالی ایندکسی یوزده 4.3 آرتیب
