تورکیهنین مینیک اتومبیل صادراتی آرتدی
ژانویه-مارس دؤورونده ۸۷ اؤلکه، اؤزارک و سربست بؤلگهیه ۲ میلیارد ۷۳۴ میلیون ۶۴۱ مین دلارلیق مینیک اتومبیل ساتیلدی
تورکیهدن ایلین ایلک دؤرددهبیرینده ۸۷ اؤلکه، اؤزارک و سربست بؤلگهیه ۲ میلیارد ۷۳۴ میلیون ۶۴۱ مین دلارلیق مینیک اتومبیل ساتیشی گرچکلشدیریلدی.
۱۵ ایلدیر اوست اوسته اؤلکه صادراتیندا ایلک سیرادا یئر آلان اتومبیل صنایعینین ایلین ایلک دؤرددهبیریندهکی ۷ میلیارد ۶۹۰ میلیون ۵۲۱ مین دلارلیق خاریجی ساتیشینین تخمیناً یوزده ۳۶سینی مینیک اتومبیل قروپو اولوشدوردو.
ژانویه-مارس دؤورونده ۸۷ اؤلکه، اؤزارک و سربست بؤلگهیه ۲ میلیارد ۷۳۴ میلیون ۶۴۱ مین دلارلیق مینیک اتومبیل ساتیلدی.
مینیک اتومبیلده ان چوخ صادرات ائدیلهن اؤلکهلره باخیلدیغیندا فرانسایا ژانویه-مارس دؤورونده، گئچهن ایلین عینی دؤورونه گؤره یوزده ۲۱ آرتیشلا ۴۹۷ میلیون ۷۹۶ مین دلارلیق مینیک اتومبیل گؤندریلدی.
فرانسانی گئچهن ایلین عینی دؤورونه گؤره یوزده ۷ آرتیشلا ۲۹۱ میلیون ۵۵ مین دلارلیق مینیک اتومبیل خاریجی ساتیشی ائدیلهن ایتالیا ایزلهدی.
ایلین ایلک دؤرددهبیرینده مینیک اتومبیل صادراتیندا، ایسپانیا ۲۴۹ میلیون ۸۳۷ مین دلارلا اوچونجو، آلمانیا ۲۴۰ میلیون ۴۰۲ مین دلارلا دؤردونجو و بیرلشمیش کراللیق ۲۱۳ میلیون ۶۰۲ مین دلارلا بئشینجی سیرادا یئر آلدی.
آفریقا اؤلکهلرینه ده مینیک اتومبیل صادراتیندا آرتیش اولدو.