ایستانبول هاوالیمانی آوروپاداکی رقیبلرینی گئری‌ده بوراخدی

ایستانبول هاوالیمانینی، ۱۴ مین ۱۸۶ سفرله فرانسانین پاریس شارل دو گل هاوالیمانی ایزله‌دی

1615886
ایستانبول هاوالیمانی آوروپاداکی رقیبلرینی گئری‌ده بوراخدی

ایستانبول هاوالیمانی، مارس آیین‌دا ائدیله‌ن ۱۷ مین ۴۰۷ اوچوشلا آوروپاداکی رقیبلرینی گئری‌ده بوراخدی.

آوروپا هاوا سیر و سفر گوونلیگی تشکیلاتینین (یوروکنترل)، ۱-۳۱ مارس‌داکی اوچوش ترافیکی راپورونا گؤره، ایستانبول هاوالیمانین‌دا ۱۷ مین ۴۰۷ اوچاق سفری ائدیلدی.

مارس آیین‌دا آوروپانین ان چوخ سفر ائدیله‌ن هاوالیمانی اولان ایستانبول هاوالیمانینی، ۱۴ مین ۱۸۶ سفرله فرانسانین پاریس شارل دو گل هاوالیمانی ایزله‌دی.

لیستین ۳.جو سیراسین‌دا ۱۳ مین ۷۰۸ سفرله آلمانیا فرانکفورت، ۴.جو سیراسین‌دا ۱۲ مین ۸۷۴ سفرله هلند آمستردام اسخیپول، ۵.جی سیراسین‌دا ایسه ۱۱ مین ۴۰۷ اوچوشلا ایسپانیا مادرید باراخاس هاوالیمانلاری یئر آلدی.

بو آرادا، ایستانبول گرند ایرپورتون (ایگا) قونویا باغلی سوسیال مئدیا حسابین‌دان وئریله‌ن آچیقلامادا،

"مارس آیین‌دا آوروپادا لیدئریک. ۱-۳۱ مارس یوروکنترل معلوماتلارینا گؤره، بوتون هاوالیمانلارینی گئری‌ده بوراخاراق آوروپانین ان چوخ اوچاق سفری ائدیله‌ن هاوالیمانی اولدوق. نئچه نئچه امنیتلی اوچوشلارا. ایستانبول هاوالیمانی" ایفاده‌لری ایشلدیلدی.



ایلگیلی‌لی خبرلر