تورکیه اقتصادی اصلاحاتلار فعالیت پلانینین تقویمی آچیقلاندی
خزینه و مالیه ناظیری لطفی الوان سؤزوگئدن مسئله ایله باغلی توییتر حسابیندان یازیب
جمهور باشقانی رجب طیب اردوغانین 12 مارس دا آچیقلادیغی، اقتصادیاتی یاتیریم، اوره تیم، استخدام و صادرات تمللری اوزرینده اینکیشاف ائتدیرمگی هدفه آلان اقتصادی اصلاحاتلار فعالیت پلانینین تقویمی آچیقلاندی.
خزینه و مالیه ناظیری لطفی الوان سؤزوگئدن مسئله ایله باغلی توییتر حسابیندان یازیب: "اقتصادی اصلاحاتیمیزین تقویمینی تاماملادیق. ناظیرلیگیمیزین اینترنت سایتیندان گؤره بیلرسینیز. خیرلی اولسون"
فعالیت پلانی اجتماعی مالیهسی، قیمت ثابتلیگی، فینانسال سئکتورو، جاری آچیق، استخدام، کورومسال ایداره ائتمه، یاتیریم لارین تشویقی، ایچ تیجارتین آسانلاشدیریلماسی، رقابت، بازارلارا نظارت و یوخلاما اولماقلا 10 باشلیقدان عبارتدیر.
اصلاحات تقویمینه گؤره، 850 مین اصنافا وئرگی معافیتی ایله علاقهدار قانونی چالیشمالار ایلین سونونا قدر تاماملاناجاق.
30 ژوئن آیینا قدر دوولت ده نقلیات آلیشی تمثیل خرجلمهلره محدودیت گتیریلهجک.
18 یاشدان آشاغی اولانلاری دا فردی امکلیلیک سیستمینه داخیل ائدن چالیشما دا تاماملاناجاق.
قیمت استقراری کومیتهسی ده 30 ژوئن آیینا قدر یارادیلاجاق.
مرکزی بانک دیجیتال پولون اقتصادی، تکنولوژی و حقوقی آلت یاپیسینی ایل سونونا قدر تاماملایاجاق.
اقتصادی اصلاحاتلار فعالیت پلانینین تقویمینین بوتون باشلیق، ماده و دوزنلهمهلری 2023-جو ایلین مارس آیینا قدر بیتهجک.
ایلگیلیلی خبرلر
تورکیه-نین روسیایا اتومبیل صنایعسی محصوللاری صادراتی آزالیب
ژانویه-مارس آیلاریندا تورکیه-نین روسیایا اتومبیل صنایعسی محصوللاری صادراتی آزالیب.