بورج خلیفه‌نی تیکن شیرکت ایفلاس ائتدی

بیرلشمیش عرب امیرلیکلرینین مشهور گؤی‌د‌له‌ن پروژه‌سی بورج خلیفه‌نی تیکن شیرکتین ایفلاسینی طلب ائتدیگی بیلدیریلیر.

بیرلشمیش عرب امیرلیکلرینده  اینگلیزجه یاییملانان گلف نیوز قزئتین‌ده یئر آلان خبرده عرب‌تئک هولدینگ ایله ۵ آلت شیرکتینین ۲۱ مارس تاریخین‌ده دوبی محکمه‌سینه بیر عریضه ایله باش‌ووردوغو ایفاده ائدیلدی.

ایفلاس طلبی عریضه‌سینین محکمه طرفین‌دن ایشلمه آلیندیغی و ایفلاس اینجه‌لمه‌سی اوچون ۷ متخصصین تعیین اولوندوغو قید ائدیلدی.

خبرلرده مالی اینجه‌لمه ائدن متخصصلرین شیرکتین وضعیتی باره‌ده اطراف‌لی راپور حاضرلایاراق محکمه‌یه سوناجاغی بیلدیریلدی.

شیرکت، بیرلشمیش عرب امیرلیکلرینین سمبولو اولان بورج خلیفه و لووور ابوظبی موزه‌سی کیمی پرستیژلی پروژه‌لره امضا آتمیشدی.