تورکیه، آوروپاداکی ائو ساتیش رکوردونو قیردی

تورکیه‌ده ائو ساتیشلارین‌دا گئچه‌ن ایل ۱.۵ میلیون ایله بوتون زامانلارین رکوردونو قیریلدی.
تورکیه استاتیستیک قورومو (تویک) رقملرینه گؤره، ائو ساتیشلاری ۲۰۲۰ده بیر اؤنجه‌کی ایله گؤره یوزده ۱۱،۲ آرتاراق ۱ میلیون ۴۹۹ مین ۳۱۶یا چاتدی.
بوندان اؤنجه ان یوکسک رقم ۱ میلیون ۴۰۹ مین ۳۱۴ عدد ایله ۲۰۱۷ده گؤرولموشدور.
یئنی نسیل کوروناویروس (کووید-۱۹) سالقینینا باخمایاراق، اؤنجه‌کی ان یوکسک رقمه گؤره یوزده ۶،۴ آرتیش وار. اؤنجه‌کی ان یوکسک رقمدن ۹۰ مین عدد داها چوخ ائو ساتیلدی.
داپ یاپی یؤنتیم قورولو باشقانی ضیا ییلماز، ساغلیق ساحه‌سینده‌کی باشاریلارین ساتیشلارا مثبت تأثیر ائتدیگینی ایفاده ائد‌رک،

"تورکیه، ۲۰۲۰ده ائو ساتیش سایینی یوزده ۱۱،۲ آرتیردی. بو قدر آرتیش آوروپادا یوخ. عکسینه، ایتالیا، فرانسا، اینگیلتره و ایسپانیا کیمی اؤلکه‌لرده یوزده ۱۰ ایله یوزده ۲۵ آراسین‌دا دراماتیک دوشوش یاشاندی. تورکیه، آوروپاداکی ائو ساتیش رکوردونو قیردی" دئدی.