کاپادوکیا رکوردا دوغرو گئدیر

تورکییه‌نین اؤنملی توریزم مرکزلرین‌دن کاپادوکیادا، موزه و تاریخی یئرلری، ژانویه-اکتبر دؤورون‌ده ۳ میلیون ۲۹۲ مین ۱۰۹ توریست گزدی.  

گئچه‌ن ایل ۲ میلیون ۹۴۹ مین ۵۴۲ توریستله رکورد ساییدا قوناق آغیرلایان کاپادوکیادا، بو ایلین ایلک ۱۰ آیلیق دؤورونده ۳ میلیون ۲۹۲ مین ۱۰۹ توریستله یئنی بیر رکوردا ایمضا آتیلدی.

پری‌باجالاری، طبیعی قایا اولوشوملاری ایله دولو دره‌لری، یئر آلتی یاشاییش ساحه‌لری، تاریخی صومعه‌لری، ماغارا هتللری، ایستی هاوا بالونو سفری و مختلیف فعالیتلری ایله توریستلرین ماراغینی چکه‌ن، ۲۰۱۹.جو ایل اوچون ۳ میلیون توریست هدفلنه‌ن بؤلگه‌ده، بو رقم، ایل بیتمه‌دن ۱۰ آیلیق دیلیم‌ده آشیلمیش اولدو.