روسیا پاکیستان-دا 10 میلیارد دولارلیق سرمایه قویاجاق
بونونلا باغلی موقاویله پاکیستانین پایتاختی ایسلام آباد-دا پاکیستان اولوسلار آراسی گاز سیستملری شیرکتی (ISGSL) ایله روسیانین "گازپروم" شیرکتی آراسیندا ایمضالاندی.
روسیا و پاکیستان اورتا دوغوداکی طبیعی گازین پاکیستان اوزریندن گونئی آسیایا نقل ائدیلمهسی و پاکیستانین دنیزده نفت یاتاقلارینین آختاریش کشفیات ایشلرینه 10 میلیارد دولارلیق سرمایه قویولماسی مسئلهسینده راضیلیق الده ائتدیلر.
بونونلا باغلی موقاویله پاکیستانین پایتاختی ایسلام آباد-دا پاکیستان اولوسلار آراسی گاز سیستملری شیرکتی (ISGSL) ایله روسیانین "گازپروم" شیرکتی آراسیندا ایمضالاندی.
ایمضا آتما مراسیمینده پاکیستانین نفت ناظیری غلام سرور خان ایشتیراک ائتدی.
مراسیمدن اول چیخیش ائدن سرور خان سپتامبر آییندا ایکی اؤلکهنین انرژی ناظیرلرینین کئچیردیگی گؤروشده اورتا دوغوداکی طبیعی گاز منبعلریندن دنیزین آلتیندان پاکیستانا بورو خطینین چکیلمهسی مسئلهسینده فیکیر بیرلیگی الده ائتدیکلرینی سؤیلهیهرک: "روسیا طبیعی گاز و نفت ساحهلرینه 10 میلیارد دولار سرمایه قویاجاق" دئیه بیلدیردی.
چیخیشلاردان سونرا کئچیریلن ایمضا آتما مراسیمینده موقاویله نی پاکیستان آدیندان پاکیستان اولوسلار آراسی گاز سیستملری شیرکتینین باش مودیری موبین ساولات، روسیا طرفیندن ایسه "گازپروم" شیرکتینین باش مودیری نین معاوینی ویتالی مارکلوو ایمضالادیلار.
پاکیستان آدیندان پاکیستان اولوسلار آراسی گاز سیستملری شیرکتیندن وئریلن معلوماتا گؤره، "گازپروم"ون دا اورتا دوغوداکی منبعلریندن الده ائدیلن طبیعی گاز دنیزین آلتیندان چکیلهجک بورو کمری واسطهسی ایله پاکیستانا نقل ائدیلهجک. "گازپروم" همچنین، پاکیستان-دا یئرالتی گاز انباری ایله دنیز سویو آییرما تاسیسی اینشا ائدهجک.
پاکیستان گونده 14-28 میلیون متر مکعب گاز آلا بیلهجک. بورادان گاز دیگر گونئی آسیا اؤلکهلرینه ده بورو کمرلری واسطهسیله چاتدیریلاجاق.
"گازپروم" عینی زاماندا، پاکیستان-دا نفت یاتاقلارینین آختاریش کشفیات ایشلری آپاراجاق.
طبیعی گاز بورو کمری لاییحهسینین 4 ایل عرضینده باشا چاتدیریلماسی گؤزلنیلیر.
ایلگیلیلی خبرلر
تورکیهنین صنایع ایستحصالی آرتدی
تورکیه استاتیستیک تشکیلاتی (تویک) نتیجهلرینه گؤره، صنایع ایستحصالی ایندکسی یوزده 4.3 آرتیب