۸۰ میندن چوخ پروژه یاریم قالدی
"اولکهده ۸۰ میندن چوخ پروژه یاریم قالدی، حکومت بو پروژهلرین تعقیبچیسی اولاجاق"
ایران ایچ ایشلری باخانی یاردیمچیسی مهدی جمالینژاد،۸۰ میندن چوخ پروژهنین یاریم قالدیغینی و بونلارین باشا چاتدیریلماسی اوچون اؤزل سئکتورا تحویل وئریلمهسی لازیم اولدوغونو سؤیلهدی.
ایرانلی اؤیرنجیلر خبر آژانسی ایسنانین خبری گؤره، زنجان ایالتینده بلدیه باشقانلاری ایله گئچیردیی گؤروشمه سونراسی مطبوعات نمایندهلرینه آچیقلامالار وئرن جمالینژاد،
"اولکهده ۸۰ میندن چوخ پروژه یاریم قالدی، حکومت بو پروژهلرین تعقیبچیسی اولاجاق" دئدی.
پروژهلری حیاتا گئچیرمک اوچون بؤیوک میقداردا سرمایهیه احتیاج اولدوغونو بیلدیرهن جمالینژاد، اؤزل سئکتورون دؤولت شیرکتلرینه نیسبتا داها اوغورلو اولدوغونو و دؤولتین الینده اولان پروژهلرین اؤزل سئکتورا وئریلمهسی حالیندا ایرلیلییش قید ائدیلمهسینی ایفاده ائتدی.
ایراندا بؤیوک میقیاسلی پروژهلر اساساً باشدا انقیلاب محافظلری اوردوسو اولماقلا سلاحلی گوجلره عاید شیرکتلر طرفیندن یئریدیلیر. پرزیدنت حسن روحانی ده بیر چوخ دفعه اوردونو اقتصادی فعالیتلرینی سونلاندیرمایا چاغیرمیشدی.
ساوونما باخانی امیر حاتمی، آگوست آییندا آچیقلاماسیندا، اوردو بنیهسینده نقلیات، انرژی و تیکینتی سئکتورلاریندا خیدمت وئرهن ۱۳۰دان چوخ شیرکتین قاپادیلاراق، پروژهلرین اؤزل سئکتورا تحویل وئریلدیگینی بیلدیرمیشدی.
آمریکانین، ۸ میده، تهران رهبرلیگی ایله ۲۰۱۵ده واریلان نوکلئر آنلاشمادان تک طرفلی چکیلمهسینین آردیندان دؤورهیه قویدوغو و ایران اقتصادینی هدف آلان تحریملر، اؤلکهنین قیریلقان اقتصادینداکی پروبلئملری داها دا درینلشدیرمیش،خارجی سرمایهلرین بیر چوخو دورموشدو.
ایلگیلیلی خبرلر
چین-دن تورک لیمانلارینا 3 میلیون توندان چوخ یوک داشینیب
ژانویه -مارس آیلاریندا چیندن تورک لیمانلارینا 3 میلیون توندان چوخ یوک داشینیب.