زنگنه: چتین گونلر گؤزله‌ییر
زنگنه، آمریکانین ایرانین نفت صادراتینی صیفیرلامانین مومکون اولمادیغینی گؤردویو اوچون نفت آلان اؤلکه‌لره سربست‌لیک وئردیگینی ایفاده ائتدی
ایران نفت باخانی بیژن نامدار زنگنه، اؤلکه‌سینین نفت صادرتینا یؤنه‌لیک آمریکا تحریملری سببی ایله دونیا میقیاسین‌دا نفت مصرف ائدنلری چتین گونلرین گؤزلدیگینی دئدی.
ایران انرژی خبر آژانسی شانایا دانیشان زنگنه، آمریکانین اؤنجه‌کی آچیقلامالارینین عکسینه ایرانین نفت صادراتینی صیفیرلامانین مومکون اولمادیغینی گؤردویو اوچون ایران‌دان نفت آلان اؤلکه‌لره سربست‌لیک وئردیگینی ایفاده ائتدی.
زنگنه،
"آنجاق تامین ائدیلن سربست‌لیکلر بازارداکی طلبی قارشیلاماغا چاتمادی. بو اوزده‌ن گله‌جک آیلارین دونیاداکی نفت مصرف‌چیلری اوچون نه یازیق، چتین اولاجاغی اؤن گؤرولور" دئدی.
دونالد ترامپ رهبرلیینین آمریکادا ائدیلن آرا سئچیملره قدر نفت قیمتلرینی آشاغی‌دا ساخلاماغی باجاردیغینی بیلدیر‌ن زنگنه، آنجاق گله‌جک آیلاردا نفتین قیمتلرین‌ده آرتیش اولاجاغینی دیله گتیردی.
آمریکا، ۵ نوامبر اعتباریله دؤوره‌یه گیره‌ن ایرانین نفت و انرژی صادراتینی هدف آلان ایکینجی مرحله تحریملر چرچیوه‌سین‌ده ۵۰ ایران بانکی ایله ۷۰۰دن چوخ شیرکت و اینسانی تحریم لیسته‌سینه علاوه ائتمیشدی.
واشینگتون رهبرلیگی، تورکیه، گونئی کره، ایتالیا، یونانیستان، چین، تایوان، هیندیستان، ژاپن و افغانیستانا ۱۸۰ گون داها ایران ایله نفت تیجارتی مسئله‌سین‌ده سربست‌لیک وئردیگینی بیلدیرمیشدی.
ایلگیلی‌لی خبرلر
تورکیه‌نین صنایع ایستحصالی آرتدی
تورکیه استاتیستیک تشکیلاتی (تویک) نتیجه‌لرینه گؤره، صنایع ایستحصالی ایندکسی یوزده 4.3 آرتیب
