تورکیه‌ده ان چوخ ائو آلان خاریجی‌لر عرب‌لردیر – ایستاتیستیک

تورکیه‌ده داشینماز املاک آلان خاریجی اؤلکه وطنداش‌لاری آراسیندا عرب‌لر اوستونلوک تشکیل ائدیر. آوقوست آییندا اؤلکه‌ده ان چوخ ائو عراق، سعودی عربیستانی و کویت وطنداش‌لاری طرفین‌دن آلینیب. آی عرضینده بو اؤلکه‌لرین وطنداش‌لاری تکجه ایستانبولدا 524 ائو، ویلا و تورپاق ساحه‌سی آلیب‌لار. عرب‌لرین ایستانبول‌دان سونرا ان چوخ ائو آلدیغی شهرلر آنتالیا و یالووا‌دیر. آوقوستدا عراق وطنداش‌لاری 317، سعودی عربیستانی وطنداش‌لاری 198، کویت وطنداش‌لاری 135 منزیل آلیب‌لار.

عمومی لیکده خاریجی اؤلکه وطنداش‌لاری آی عرضینده تورکیه‌ده 1684 ائو آلیب‌لار. تورکیه‌ده ائو آلان خاریجی‌لر آراسیندا روسیا و افغانیستان وطنداش‌لاری دا اوستونلوک تشکیل ائدیر. تکجه آوقوست آییندا تورکیه‌ده روس‌لار 95، افغان‌لار 81 منزیل آلیب‌لار.