نفت باهالاشیر

نفتین قیمتینده غیری-ثابت‌لیک "هاروی" قاسیرغاسی‌نین ایقتیصادیاتا تأثیری آزالدیقجا، غربی تگزاس نفتینه طلبات آرتماغا باشلاییب. قاسیرغانین امریکانین نفت سکتورونا تأثیری گؤزلنیلن سویه‌ده داغیدیجی اولماییب. آرتیق ساحل خطینده یئرلشن نفت آییرما مرکزلرینین بیر حیصه‌سی فعالیتینی برپا ائدیب. بونونلا بئله "هاروی" قاسیرغاسی آمریکا-دا گونده‌لیک اوره تیمین 10 میلیون بوشقا سویه‌سینه چاتماسینا بیر مدت مانع اولا‌جاق. بو ایسه بازاردا اوپک-ین مؤقع لرینین محکملنمه‌سی دئمک‌دیر.

حاضیردا بورسالاردا "برنت" مارکا‌لی نفتین بیر بوشقاسی 52،26 دو‌لاردان ساتیلیر، غربی تگزاس نفتی ایسه 47،55 دو‌لارا تکلیف اولونور. ایکی مارکا آراسیندا فرق 5 دو‌لارا یاخین اولسا دا، هفته عرضینده WTİ نفتینه طلباتین آرتاجاغی گؤزلنیلدیگیندن، قیمت فرقی ده آزالا‌جاق.

بو گون آمریکا نفت انستیتوتو اؤلکه‌نین نفت ذخیره لرینین حجمینه دایر نؤبتی راپورو آچیقلایا‌جاق. متخصصلر اؤتن هفته عرضینده ذخیره لرین رکورد حده آزالدیغینی احتیمال ائدیرلر. بو احتیمال‌لار تصدیقلنرسه، قیمت‌لرین باهالاشماسی داوام ائده‌جک.