تورکیه‌دن یاتیریم‌لار آرتاجاق

قازاقیستان قازینوئست میلی صادرات و یاتیریم شیرکتی یؤنه‌تیم قورولو باشقانی بوریسبی ژانگورازوو، اؤلکه‌سینه تورکیه‌دن یاتیریم‌لارین آرتاجاغینی دوشوندوگونو سؤیله‌دی.

ژانگورازوو، قازمئدیا مرکزینده تشکیل ائدیلن مطبوعات کنفرانسیندا، سون بئش ایلده قازاقیستانا چئکیلن بیرباشا یاتیریم میقداری‌نین 50 میلیارد د‌لار اولدوغونو ایفاده ائده‌رک،

"اؤلکه‌ده ایلده اورتالاما 10 میلیارد د‌لارلیق یاتیریم اولدو" دئدی.

تورکیه‌نین قازاقیستانین اؤنم‌لی تیجارت و اقتصادی اورتاغی اولدوغونو خاطیرلا‌دان ژانگورازوو،

"قازاقیستاندا بؤیوک تورکیه فیرما‌لاری فعالیت گؤستریر. یاتیریم چئکمک اوچون تورکیه حکومتی ایله سیخ ایش بیرلیگی ایچریسینده‌ییک. یاسال دوزنلمه‌لر باشدا اولماق اوزره تورکیه‌لی سرمایچی‌لره بوتون دستگی تامین ائدیریک و یاتیریم‌لارین بئله‌لیکله داها دا آرتاجاغینی دوشونوروک" دئدی.

تاریم، قیدا، کیمیا و مهندیس‌لیک ساحه‌لرینده ایمکان‌لار اولدوغونو بیلدیرن ژانگورازوو، اؤلکه‌سی‌نین تاریم ماشین‌لاری، الکتریک دوناتیم‌لاری‌نین یانیندا تاریم محصول‌لاری اوره‌تیمینده اؤنم‌لی پتانسیله صاحب اولدوغونو دا سؤیله‌دی.

قازاقیستاندا مین 500دن چوخ تورکیه شیرکتی فعالیت گؤستریر.