ترورلا موباریزه‌ده یئنی دؤور
تورکیه سیاست، اقتصادیات و جمعیت آراشدیرما‌لاری فوندو – ستا-نین آراشدیرماچی-یازاری جان آجونون "ترورلا موباریزه‌ده یئنی دؤور" باش‌لیق‌لی مقاله‌سی...
تورکیه سیاست، اقتصادیات و جمعیت آراشدیرما‌لاری فوندو – ستا-نین آراشدیرماچی-یازاری جان آجونون "ترورلا موباریزه‌ده یئنی دؤور" باش‌لیق‌لی مقاله‌سی...
جمهور باشقانی رجب طیب اردوغانین آچیقلامالاریندان سونرا خاریجی ایشلر ناظیری هاکان فیدانین بؤلگه‌یه سفرلری و بو ساحه‌ده آتیلان آددیم‌لار گؤستریر کی، تورکیه ترورلا موباریزه چرچیوه سینده عراق و سوریه-ده یئنی حربی عملیات‌لار حیاتا کئچیرمه‌یه باشلایا‌جاق، عینی زاماندا امریکانین حربی عملیات‌لاردان گئری چکیلیب-چکیلمه‌یه‌جگی روسیا و ایران کیمی اؤلکه‌لرین آتا‌جاق‌لاری آددیم‌لار دا تورکیه-نین مووافیق آددیم‌لارینی معین ائده‌جک.
تورکیه اوچون بولگه دینامیکلر مثبت اینکیشاف‌لار گؤستریر. رسمی باغداد رهبرلیگی ایله آپاریلان سیاسی و دیپلوماتیک دانیشیق‌لار ترورلا موباریزه چرچیوه سینده ایلک دفعه نتیجه وئرمه‌یه باشلادی. عراق رهبرلیگی پ.کا.کا-نی رسمن قاداغان اولونموش تشکیلات ایستاتوسونا سالارکن، بیر آرایا گلن بیرگه تهلوکه‌سیزلیک مکانیزمی ایله پ.کا.کا-یا قارشی آتیلا‌جاق آددیم‌لار موذاکیره ائدیلیب. تورکیه نتیجه‌ده هم باغداد، هم ده اربیل ایله کووردیناسیونوندا پ.کا.کا-یا قارشی موباریزه آپارماق ایستیرکن، باغدادین ایندی پ.کا.کا بلاسیندان خلاص اولماق ایستدیگینه دایر گوجلو ایشاره‌لر وار. نهایت، تورکیه و عراق-ین بیر-بیرینی تاماملایان چوخ جدی اقتصادی ماراق‌لاری وار. تیجارت حجمی‌نین آرتیریلاجاغی، سو پروبلئمی‌نین داها ثمره‌لی ایداره اولونا بیله‌جگی، تورکیه شیرکت‌لری‌نین عراقا یاتیریم لارینین آرتاجاغی بیر تن‌لیک اولا بیلر. خصوصیله جمهور باشقانی رجب طیب اردوغانین گلن آی باغدادا سفری گؤزلنیلیر. بو چرچیوه ده بونونلا باغلی داها کونکرئت آددیم‌لارین آتیلاجاغینی پروقنوزلاشدیرماق اولار.
بون‌دان علاوه، ترقی یولو لاییحه‌سی بصره کؤرفزیندن باشلایا‌جاق عراق-ین اساس بؤلگه‌سی اوزریندن تورکیه-یه چاتا‌جاق قلوبال لجستیک خطی‌نین یارادیلماسی مؤوضوع سوندا راضی‌لیق الده اولونماسی و بونا سرمایه قویماغا باشلاما‌لاری دا آرتیق پ.کا.کا مسئله‌سینه سون قویولماسی‌نین واجیب‌لیگینی گؤسترن باشقا بیر اینکیشاف اولا‌راق قارشیمیزا چیخیر. طبیعی کی، بورادا ایرانین اوینایاجاغی رول دا اؤنملی اولا‌جاق. ایران ایسته‌سه باغدادا اولان تأثیریندن ایستیفاده ائده‌رک بو طرفداشلیغا ضرر وئره و تورکیه یاخین آیلاردا پ.کا.کا-یا قارشی بیرطرف‌لی آددیم‌لار آتما‌لی اولا بیلر، لاکین بونون نه رسمی آنکارانین، نه ده باغدادین ماراغیندا اولمایاجاغی آیدین‌دیر.
تورکیه اوچون باشقا بیر مؤوضوع سوریه-دیر. بورادا اساس گوندم امریکا قوشون‌لاری‌نین چیخاریلیب-چیخاریلماماسی مسئله‌سی‌دیر، لاکین تورکیه-نین عراق-دا آتاجاغی آددیم‌لار، خصوصیله ده تشکیلاتین عراق-سوریه علاقه‌سی‌نین کسیلمه‌سی سوریه ساحه‌سینه ترورلا موباریزه‌ده جدی مثبت تأثیر گؤستره‌جک. تورکیه حاضیردا تماس خط‌لرینده پ.کا.کا ایله مؤوجود اساس‌لار چرچیوه‌سینده موباریزه آپاریر، لاکین زامان-زامان ضررسیزلشدیرمه سوره جی چرچیوه‌سینده پ.کا.کا-لی ترورچولار سوریه-ده میت-ین هدفینه چئوریلیر. بونونلا بئله، هله یئنی هرطرف‌لی حربی عملیات اوچون امریکانین سوریه-دن چکیلیب-چکیلمه‌یه‌جگی مسئله‌سینه آیدین‌لیق گتیریلمه‌سی لازیم‌دیر.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
