آوراسیا جمهوریتلریندهکی گلیشمهلر
تۆرک جمهوریتلرینین دونیا سیاستیندهکی رولو آرتماقدادیر
۴ مارس ۲۰۲۴ تاریخینده بولقاریستان خالق مجلیسی باشقانی روسن ژلیازکوو آذربایجانا رسمی سفر گئرچکلشدیردی. باشقان ژلیازکوو باکیدا آذربایجان میللی مجلیسی باشقانی صاحبه غافارووا و آذربایجان جمهورباشقانی ایلهام علییئو ایله گؤروشدو.
۴ مارس ۲۰۲۴ تاریخینده عشق آباد شهرینده آوروپا گۆونلیک و امکداشلیق تشکیلاتی باش کاتیبی و مرکزی آسیا جمهوریتلری چئورهدن سوروملو باخانلاری ییغینجاغی گئرچکلشدیریلدی. ییغینجاقدا یاشیل اقتصاد، سرحد آشان سولارین ایستیفادهسی، ایقلیم دییشیمی، فلاکت کیمی مؤوضوعلار موذاکیره ائدیلدی. داها سونرا آوروپا گۆونلیک و امکداشلیق تشکیلاتی باش کاتیبی هلگا ماریا شمید تۆرکمنیستان جمهورباشقانی سردار بردیمحمدوو طرفیندن قبول ائدیلدی.
گئچهن آی قازاقیستان جمهوریتی باشباخانی سئچیلهن اولژاس بئکتنوو ایلک یورددیشی سفرینی ۴ مارس ۲۰۲۴ تاریخینده روسیا فدراسیونونا گئرچکلشدیردی. باش اخان بئکتنوو موسکوایا ائتدیگی ایش سفرینده روسیا باشباخانی میخائیل میشوستین ایله گؤروشدو. ایکی اؤلکه آراسینداکی تیجارت حجمی گئچهن ایل رکورد قیراراق ۲۸ میلیارد دلارا چاتمیشدی. اولژاس بئکتنووون مارس آییندا اؤزبکیستانا سفر گئرچکلشدیرهجگی آچیقلاندی.
روسیا باشباخانی میخائیل میشوستین ایسه ۵ مارس ۲۰۲۴ تاریخینده آذربایجانا سفر گئرچکلشدیردی. آذربایجان باشباخانی علی اسدوو ایله گؤروشهن باشباخان میشوستین، ۶ مارس تاریخینده جمهورباشقانی ایلهام علییئو طرفیندن قبول ائدیلدی. سفر چرچیوهسینده ایکی اؤلکه آراسیندا مدنیت، توریزم، نقلیات و سرحد قاپیلارینین گلیشدیریلمهسی ساحهلرینده آنلاشمالار ایمضالاندی.
۶ مارس ۲۰۲۴ تاریخینده قاقاووز اؤزارک بؤلگهسی باشقانی ائوگنیا گوتول سوچیده روسیا دؤولت باشقانی ولادیمیر پوتین ایله گؤروشدو. قاقاووز اؤزارک بؤلگهسی باشقانی ولادیمیر پوتیندن ایکیلی ایلیشکیلرین اینکیشاف ائتدیریلمهسی قونوسوندا کؤمک ایستهدی. ائوگنیا گوتول داها اؤنجه موسکوادا روسیا فدراسیون مجلیسی باشقانی والنتینا ماتویئنکو ایله ده گؤروشموشدو. بیلیندیگی اوزره، ائوگنیا گوتولون کیشینئو یؤنهتیمی ایله ایلیشکیلری یاخشی دئییل.
۷ مارس ۲۰۲۴ تاریخینده قازاقیستان جمهورباشقانی قاسم جومرد توکایئو سعودی عربیستان انرژی و سرمایه باخانی خالد بن عبدالعزیز الفالحی قبول ائتدی. گؤروشمهده قازاقیستان-سعودی عربیستان سرمایه امکداشلیق مؤوضوعو اله آلیندی. گؤروشمه سونوندا ایکی اؤلکه آراسیندا کۆلک انرژی مرکزی قورومو آنلاشماسی ایمضالاندی.
۷ مارس ۲۰۲۴ تاریخینده قیرقیزیستان جمهورباشقانی سادیر جاپاروو سعودی عربیستان خاریجی ایشلر باخان کؤمکچیسی ولید الخریجینی قبول ائتدی. گؤروشمهده قیرقیزیستان-سعودی عربیستان ایلیشکیلری ایله باغلی موختلیف مؤوضوعلار اله آلیندی. جمهورباشقانی جاپارووون سعودی عربیستانا رسمی سفر گئرچکلشدیرجگی آچیقلاندی.
***
موغولستان مجلیس باشقانی زاندانشاتار گومبوژاو قیرقیزیستاندان سونرا ماجاریستانا رسمی سفر گئرچکلشدیردی. ۷ مارس ۲۰۲۴ تاریخینده بوداپستده موغولستان مجلیس باشقانی گومباژاو ماجاریستان میللی مجلیس باشقانی لاسلو کوور ایله گؤروشدو. داها سونرا مجلیس باشقانی گومبوژاو ماجاریستان جمهورباشقانی تاماس سولیوک ایله گؤروشدو.
گلیشمهلردن گؤرولدوگو اوزره، تۆرک جمهوریتلرینین دونیا سیاستیندهکی رولو آرتماقدادیر. موغولستان تۆرک جمهوریتلری ایله ایلیشکیلرینی یئنی سویهیه یوکسلتمهیه قرارلی کیمی گؤرونور. سعودیه عربیستانین تۆرک جمهوریتلریندهکی سرمایهلری آرتیر. قاقاووزیانین یورددیشینداکی ان بؤیوک دایاغی روسیا و تۆرکیه جمهوریتیدیر. باشباخانلارین سفرلریندن گؤرولدوگو اوزره، آوراسیا اؤلکهلرینین اؤز آرالارینداکی امکداشلیغی دا گلیشدیرمهیه داوام ائدیر.
ایلگیلیلی خبرلر
تۆرک جمهوریتلرینین گوندمیندهکی گلیشمهلر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکدهدیر