آوراسیا جمهوریتلرینین گوندمیندهکی گلیشمه‌لر
نورسلطان نظربایئوین سون دؤنمده خالقین حضورونا داها چوخ چیخماغا باشلادیغی دقت چکیر
۱۸ دسامبر ۲۰۲۳ تاریخینده ولادیمیر بپوتینین روسیا فدراسیونو مرکز سئچیم قورولونا نامیزدلیک اوچون لازیم اولان سندلرینی شخصاً تسلیم ائتدی. بو سفر پوتین دؤولت باشقانی سئچیملرینده موستقیل نامیزد اولاراق یاریشاجاق. اؤته یاندان، روسیا فدراسیونو کمونیست پارتیسی ۷۵ یاشینداکی نیکولای خاریتونووو نامیزد گؤستردی. خاریتونوو ۲۰ ایل اؤنجه ده نامیزد اولموش و ولادیمیر پوتینه قارشی سئچیمده مغلوب اولموشدو.
قازاقیستانین اسکی جمهورباشقانی نورسلطان نظربایئوین ۱۸ دسامبر ۲۰۲۳ تاریخینده موسکوایا گئده‌رک ولادیمیر پوتین ایله گؤروشدوگو مئدیادا یئر آلدی. بیر آی اؤنجه‌سینده آستانادا مسجید آچیلیشی ائدن، ۱ دسامبر تاریخینده اؤز خاطره‌لرینی یاییملایان و ۱۲ دسامبر تاریخینده آستانا کلوب ییغینجاغیندا دانیشان نورسلطان نظربایئوین سون دؤنمده خالقین حضورونا داها چوخ چیخماغا باشلادیغی دقت چکیر.
۱۸ دسامبر ۲۰۲۳ تاریخینده موسکوادا موستقیل دؤولتلر بیرلیگینه عضو دؤولتلرین حکومت باشقانلاری ییغینجاغی گئرچکلشدیریلدی. ییغینجاق سونوندا بعضی آنلاشمالار ایمضالاندی. سمرقند شهری ۲۰۲۴ موستقیل دؤولتلر بیرلیگی مدنیت باشکندی اعلان ائدیلدی. حکومت باشقانلاری اولوسلارآراسی "روسیا" سرگیسینی گزدیلر.
۱۸ دسامبر ۲۰۲۳ تاریخینده تۆرکیه جمهورباشقانی رجب طیب اردوغان ماجاریستانا رسمی سفر گئرچکلشدیردی. جمهورباشقانی اردوغان بوداپستده ماجاریستان جمهورباشقانی کاتالین نوواک طرفیندن رسمی مراسیمله قارشیلاندی. جمهور باشقانی اردوغان ماجاریستان جمهورباشقانی کاتالین نوواک و ماجاریستان باشباخانی ویکتور اوربان ایله گؤروشدو و تۆرکیه-ماجاریستان یوکسک سویه‌لی استراتژیک امکداشلیق شوراسی آلتینجی ییغینجاغینا قاتیلدی. ائدیله‌ن گؤروشمه‌لر نتیجه‌سینده تۆرکیه و ماجاریستان آراسیندا ۱۷ آنلاشما ایمضالاندی. سفر چرچیوه‌سینده جمهورباشقانلارینین ایشتیراکی ایله ۲۰۲۴ تۆرکیه-ماجاریستان مدنیت ایلی آچیلیش مراسیمی تشکیل ائدیلدی.
۱۹-۲۰ دسامبر ۲۰۲۳ تاریخلرینده تۆرکیه جمهورباشقانی کؤمکچیسی جؤودت ییلماز آذربایجانا رسمی سفر گئرچکلشدیردی. جمهورباشقانی کؤمکچیسی جؤودت ییلماز باکیدا آذربایجان جمهورباشقانی ایلهام علییئو، میللی مجلیس باشقانی صاحبه غافارووا، باشباخان علی اسدوو ایله گؤروشمه‌لر گئرچکلشدیردی. جمهورباشقانی کؤمکچیسی ییلماز آیریجا باکیدا ایش دۆنیاسی نماینده‌لری ایله ده گؤروشدو.
قطر امیری شیخ تمیم ین حمد آل ثانی ۱۹ دسامبر ۲۰۲۳ تاریخینده اؤزبکیستانا ایش سفری گئرچکلشدیردی. اؤزبکیستان جمهور باشقانی شؤوکت میرضیایئو قطر امیرینی هاوالیمانیندان شخصاً قارشیلادی. ائدیله‌ن ایکی طرفلی گؤروشمه‌لر نتیجه‌سینده ایکی اؤلکه ایلیشکیلرینین سیریندن دویولان سئوینج دیله گتیریلدی. لیدئرلر داشکند سیتی‌ده تیکیله‌ن فساد ایله موباریزه عآنیدینین آچیلیشینی ائتدیلر. جمهورباشقانی میرضیایئوه فساد ایله موباریزه نیشانی تقدیم ائدیلدی.
۲۲ دسامبر ۲۰۲۳ تاریخینده گورجوستان مجلیسی باشقانی شالوا پاپواشویلی ارمنیستانا رسمی اولمایان سفر گئرچکلشدیردی. پاپواشویلی ایرواندا ارمنیستان مجلیسی باشقانی آلن سیمونیان ایله گؤروشدو.
***
قازاقیستاندا باختی-آیاگؤز دمیریولو خطی تیکیمی باشلادی. ۲۷۲ کیلومترلیک سؤزو گئدن تیکیم ۲۰۲۷.جی ایلده تاماملاندیغیندا، قازاقیستان چین خالق جمهوریتی ایله اوچونجو سرحد قاپیسینی آچاجاق. قازاقیستان و چین اوچونجو سرحد قاپیسینی آچاراق یوک داشیما توتومونو ۲۸ میلیون توندان ۴۸ میلیون تونا چیخارماغی هدفله‌ییرلر.
