تۆرک جمهوریتلرینین گوندمیندهکی گلیشمه‌لر
ایستانبولدا تۆرک جمهوریتلری خبر آژانسلاری مئدیا فورومو تشکیل ائدیلدی. فوروم سونوندا تۆرک خبر آژانسلاری بیرلیگی قورولدو
۷ نوامبر ۲۰۲۳ تاریخینده اؤزبکیستان جمهورباشقانی شؤوکت میرضیایئو اسکی قطر باشباخانی حمد بن جاسم آل ثانینی قبول ائتدی. گؤروشمه‌ده اؤزبکیستاندا قویولاجاق اورتاق سرمایه‌لر ماسایا یاتیردیلدی.
۸-۹ نوامبر ۲۰۲۳ تاریخلرینده داشکند شهرینده اقتصادی امکداشلیق تشکیلاتی ۱۶.جی ذیروه‌سی گئرچکلشدیریلدی. ذیروه‌یه آذربایجان، ایران، قیرقیزیستان، تاجیکیستان، تۆرکمنیستان و تۆرکیه جمهورباشقانلاری، قازاقیستان و پاکیستان باشباخانلاری قاتیلدی. داشکند‌ده چوخ ساییدا ایکیلی گؤروشمه‌لر ائدیلدی. ذیروه چرچیوه‌سینده اورتا آسیادا ایقلیم دییشیکلیگی - اوشاقلار و گنجلرین فعالیتلری آدلی اولوسلارآراسی فوروم تشکیل ائدیلدی. بیر سونراکی اقتصادی امکداشلیق تشکیلاتی ذیروه‌سی آذربایجاندا ائدیله‌جک.
۸ نوامبر ۲۰۲۳ تاریخینده آنلاین اولاراق مرکزی آسیا-گ۷ خاریجی ایشلر باخانلاری ییغینجاغی ائدیلدی. ییغینجاغا ایلگیلی اؤلکه‌لرین خاریجی ایشلر باخانلاری و باخان کؤمکچیلری قاتیلدی. ییغینجاقدا گ۷ اؤلکه‌لرینین اورتا آسیا اؤلکه‌لری ایله امکداشلیغی اینکیشاف ائتدیرمه‌سی قونوسو اله آلیندی.
۹ نوامبر ۲۰۲۳ تاریخینده روسیا فدراسیونو دؤولت باشقانی ولادیمیر پوتین قازاقیستانا رسمی سفر گئرچکلشدیردی. آستانادا قازاقیستان جمهورباشقانی قاسیم جؤمرد توکایئو ایله ولادیمیر پوتین باش باشا و هیئتلرآراسی گؤروشمه‌لر ائتدی. گؤروشمه‌لر سونوندا ۷ آنلاشما ایمضالاندی. قازاقیستان و روسیا جمهورباشقانلاری قوستانای‌دا گئرچکلشدیریلن ۱۹.جو قازاقیستان-روسیا بؤلگه‌لرآراسی امکداشلیق فورومونا آنلاین قاتیلدیلار.
قیرقیزیستان جمهورباشقانی سادیر جاپاروو ۹-۱۱ نوامبر ۲۰۲۳ تاریخلرینده فرانسایا ایش سفری گئرچکلشدیردی. جمهورباشقانی جاپاروو پاریسده بیر دونیا ذیروه‌سینه قاتیلدی و یونسکونون ۴۲.جی اوتورومونا ایشتیراک ائتدی. جمهورباشقانی جاپاروو یونسکو باشقانی آدره آزله ایله گؤروشدو.
۹-۱۱ نوامبر ۲۰۲۳ تاریخلرینده ایتالیا جمهورباشقانی سرجیو ماتارلا اؤزبکیستانا رسمی سفر گئرچکلشدیردی. داشکند‌ده ایکی اؤلکه جمهورباشقانلاری گؤروشدو. گؤروشمه سونوندا اؤزبکیستان و ایتالیا آراسیندا ۳ آنلاشما ایمضالاندی. ایتالیا جمهورباشقانی ماتارلا سفر چرچیوه‌سینده خیوه و سمرقند شهرلرینی گزدی.
***
۶ نوامبر ۲۰۲۳ تاریخینده کروواسی باشباخانی آندری پلنکوویج آذربایجانا رسمی سفر گئرچکلشدیردی. کروواسی باشباخانی آذربایجان جمهور باشقانی ایلهام علییئو، آذربایجان باشباخانی علی اسدوو و میللی مجلیس باشقانی صاحبه غافارووا ایله گؤروشدو. باکیدا ائدیله‌ن گؤروشمه‌لرده آذربایجان-کروواسی، آذربایجان-ناتو و آذربایجان-آوروپا بیرلیگی ایلیشکیلرینه باغلی موختلیف قونولار اله آلیندی.
۶ نوامبر ۲۰۲۳ تاریخینده ایستانبولدا تۆرک جمهوریتلری خبر آژانسلاری مئدیا فورومو تشکیل ائدیلدی. فوروم سونوندا تۆرک خبر آژانسلاری بیرلیگی قورولدو.
۹-۱۰ نوامبر ۲۰۲۳ تاریخینده سمرقندده اولوسلارآراسی تۆرک آکادمیسی طرفیندن تۆرک جمهوریتلری آرکئولوگلاری ییغینجاغی تشکیل ائدیلدی. ییغینجاغا آذربایجان، قازاقیستان، قیرقیزیستان، موغولستان، تاتاریستان و تۆرکیه‌دن آرکئولوگلار قاتیلدی. ییغینجاق سونوندا اولوسلارآراسی تۆرک آکادمیسی بونیه‌سینده تۆرک دونیاسی آرکئولوژی آراشدیرما انستیتولاری و مرکزلری بیرلیگی قورولدو.
۹ نوامبر ۲۰۲۳ تاریخینده آذربایجاندا تۆرک دؤولتلر تشکیلاتی ۷.جی گنجلیک و ایدماندان مسئول باخانلار ییغینجاغی گئرچکلشدیریلدی. ییغینجاقدا تشکیلاتا عضو و گؤزلمچی اؤلکه‌لرین ایدمان و گنجلیک سیاستلری قونوسوندا امکداشلیق قونولاری اله آلیندی.
