آوراسیا جمهوریتلرینین گوندمیندهکی حادثه‌لر
شوشادا گئرچکلشدیریلن تورک‌سوی عضوو اؤلکه‌لرین مدنیت باخانلاری ۴۰.جی ییغینجاغیندا آلینان قرار گره‌گی، قازاقیستانین آک‌تائو شهری ۲۰۲۵ تورک دونیاسی مدنیت باشکندی اعلان ائدیلدی
۱۷-۱۸ اکتبر ۲۰۲۳ تاریخلرینده چین خالق جمهوریتینین باشکندی پکنده ۳.جو تک قورشاق، تک یول فورومو گئرچکلشدیریلدی. فوروما ۱۳۰ اؤلکه‌دن و ۳۰ اولوسلارآراسی قورولوشدان اوست دوزئی نماینده‌لر قاتیلدی. آوراسیا جغرافیاسیندان روسیا دؤولت باشقانی ولادیمیر پوتین، قازاقیستان جمهورباشقانی قاسیم جومرد توکایئو، اؤزبکیستان جمهورباشقانی شؤوکت میرضیایئو، موغولستان جمهورباشقانی اوهناگین هورلسوه، تورکمنیستان خالق مصلحتی باشقانی قوربانقولو بردی‌محمدوو، ماجاریستان باشباخانی ویکتور اوربان سؤزو گئدن فوروما قاتیلدیلار. فوروم سونوندا بعضی آنلاشمالار ایمضالاندی.
روسیا دؤولت باشقانی ولادیمیر پوتین فوروم چرچیوه‌سینده چین دؤولت باشقانی شی جین‌پینگ، ویتنام جمهورباشقانی وو وان تونگ، موغولستان جمهورباشقانی اوهناگین هورلسوه، پاکیستان باشباخانی انوار الحق کاکر و ماجاریستان باشباخانی ویکتور اوربان ایله گؤروشدو. اؤزبکیستان جمهورباشقانی شؤوکت میرضیایئو چین دؤولت باشقانی شی جین‌پینگ، ویتنام جمهورباشقانی وو وان تونگ ایله گؤروشدو. تورکمنیستان خالق مصلحتی باشقانی، قازاقیستان و اؤزبکیستان جمهورباشقانلاری چینلی اوست دوزئی شیرکت ایداره‌چیلری و بوروکراتلار ایله ده گؤروشمه‌لر ائتدیلر.
پکنده‌کی فوروم چرچیوه‌سینده روسیا و چین سیویل هاواچیلیق صنایعی گلیشدیرمه فوندو قورما قراری آلدیلار. قازاقیستان و چین آراسیندا ۳۰ آنلاشما ایمضالاندی.
قازاقیستان جمهورباشقانی قاسیم جومرد توکایئو پکندن سونرا سینجان اؤزارک بؤلگه‌سینه سفر ائتدی. یئرلی ایداره‌چیلر ایله گؤروشه‌ن جمهورباشقانی توکایئو، قونشولوق باغلارینین داها دا گلیشدیریلمه‌سی لازیم اولدوغونو بیلدیردی.
۱۶ اکتبر ۲۰۲۳ تاریخینده سمرقندده دونیا توریزم تشکیلاتی ۲۵.جی باش قورولو گئرچکلشدیریلدی. باش قورولا ۱۳۰ اؤلکه‌دن نماینده‌لر قاتیلدی. اؤزبکیستان جمهورباشقانی شؤوکت میرضیایئو باش قورول آچیلیشینا قاتیلیب، دانیشدی.
۱۹ اکتبر ۲۰۲۳ تاریخینده روسیا فدراسیونو خاریجی ایشلر باخانی سرگئی لاوروو قوزئی کره‌یه رسمی سفر گئرچکلشدیردی. باخان لاوروو پیونگ‌یانگ‌دا قوزئی کره دؤولت باشقانی کیم جونگ اون ایله گؤروشدو. روسیا خاریجی ایشلر و ساوونما باخانلاری قوزئی کره‌یه سیخلیقلا گئدیرلر. بو سفر باخان لاورووون پیونگ‌یانگا گئرچکلشدیردیغی دؤردونجو سفری اولدو.
***
شوشادا گئرچکلشدیریلن تورک‌سوی عضوو اؤلکه‌لرین مدنیت باخانلاری ۴۰.جی ییغینجاغیندا آلینان قرار گره‌گی، قازاقیستانین آک‌تائو/آغ‌داغ شهری ۲۰۲۵ تورک دونیاسی مدنیت باشکندی اعلان ائدیلدی. آلینان بیر باشقا قرارلا نوبل اؤدوللو بیلیم آدامی عزیز سانجارا تورک‌سوی مدنیت ائلچیسی عنوانی وئریلدی.
۱۷ اکتبر ۲۰۲۳ تاریخینده بیشکئکده تورک دؤولتلر تشکیلاتی ۵.جی مئدیا و انفورماسیوندان مسئول باخانلار ییغینجاغی گئرچکلشدیریلدی. تورک دؤولتلر تشکیلاتی باش کاتیبی کوبانیچ‌بک عؤمورعلییئو ۵-۷ نوامبر ۲۰۲۳ تاریخلرینده ایستانبولدا تشکیل ائدیله‌جک تورک دونیاسی مئدیا ذیروه‌سینده تورک خبر آژانسلاری بیرلیگینین قورولماسینین پلانلاندیغینی بیلدیردی.
۱۸ اکتبر ۲۰۲۳ تاریخینده سمرقند شهرینده تورک دؤولتلر تشکیلاتی آغ‌ساققاللار کنه‌شی ییغینجاغی ائدیلدی. ییغینجاقدا تورک دونیاسی آغ‌ساققاللاری ۳ نوامبر تاریخینده آستانادا ائدیله‌جک تورک دؤولتلر تشکیلاتی ذیروه‌سینده ایمضالاناجاق آنلاشمالارا باغلی تکلیفلر وئردیلر.
