آوراسیا جمهوریتلرینین گوندمیندهکی اولایلار
آوراسیا اؤلکه‌لری قطبلاشا‌ن دونیادا اؤز یئرینی آلا بیلمک اوچون اؤنملی اولوسلارآراسی فعالیتلره ائو صاحب‌لیگی ائدیرلر
۱۴-۱۵ ژوئن ۲۰۲۳ تاریخلرین‌ده گورجوستان باشباخانی ایراکلی گاریباشویلی بلژیکه رسمی سفر گئرچکلشدیردی. ایراکلی گاریباشویلی بروکسل‌ده بلژیک باشباخانی آلکساندر دا کرو، آوروپا بیرلیگی باشقانی شارل میشل، قونشولوق و گئنیشله‌مه‌دن مسئول آوروپا کمیسیونو عضوو اولیور وارهلی ایله گؤروشمه‌لر ائتدی. باشباخان گاریباشویلینین آوروپا بیرلیگی مرکزینه ائتدیگی سفرینین آنا قونوسونو گورجوستانین آوروپا بیرلیگینه قاتیلیم سوره‌جی اولوشدوردو.
۱۵ ژوئن ۲۰۲۳ تاریخینده کرملین‌ده روسیا دؤولت باشقانی ولادیمیر پوتین الجزایر دموکراتیک خالق جمهوریتی دؤولت باشقانی عبدالمجید تبون ایله گؤروشدو. گؤروشمه‌ده عبدالمجید تبون سلاح گؤندریمی داخیل روسیادان آلدیقلاری دستگین، مستقیللیکلرینی محافظه ائتمه فورصتینی تامین ائتدیگینی بیلدیردی. گؤروشمه سونون‌دا ایکی اؤلکه آراسین‌دا استراتژیک اورتاقلیغین درینلشدیریلمه‌سینه باغلی بیاننامه داخیل ۹ آنلاشما ایمضالاندی.
۱۴-۱۷ ژوئن ۲۰۲۳ تاریخلرین‌ده روسیا دؤولت باشقانلیغی حمایه‌سین‌ده ۲۳.جو اولوسلارآراسی سن پترزبورگ اقتصاد فورومو ائدیلدی. فورومون آچیلیشین‌دا دانیشان روسیا دؤولت باشقانی ولادیمیر پوتین، چوخ قطب‌لو دونیانین گوجلندیگینی، نئوکولونیال سیستمین سونونون گلدیگینی، روسیانین نووه سلاحینین ناتو اؤلکه‌لرین‌دن داها چوخ اولدوغونو، باسقیلارا بویون ایمه‌یه‌ن اؤلکه‌لرله تیجارت حجمینین قات قات آرتدیغینی بیلدیردی. سؤز قونوسو فوروما مستقیل دؤولتلر بیرلیگی اؤلکه‌لری، اورتا دوغو، آفریقا و آسیادان لیدئرلر قاتیلدی.
سن پترزبورگ اقتصاد فورومون‌دا تورکیه ایله باغلی کرملین سؤزچوسو دمیتری پئسکوو "خیرلی قونشو، خیرسیز قوهوم‌دان یاخشیدیر" دئیرکه‌ن، روسیا مالیه باخانی آنتون سیلوانوو تورکیه ایله ساغلام اقتصادی امکداشلیغی داوام ائتدیره‌جکلرینی بیلدیردی. ماجاریستان خاریجی ایشلر باخانی پتر سیارتو دا، تورک آخیمی طبیعی گاز بورو خطینین آوروپایا گوونلی طبیعی گاز تداروکو تامین ائتدیگینی ایفاده ائتدی.
۱۶-۱۷ ژوئن ۲۰۲۳ تاریخلرین‌ده گونئی آفریقا جمهوریتی سیریل رامافوسا لیدئرلیگین‌ده‌کی بعضی آفریقا جمهورباشقانلاری اوکراینا و روسیایا سفر گئرچکلشدیردیلر. آرالارین‌دا سنگال، زامبیا دؤولت باشقانلارینین دا اولدوغو آفریقالی لیدئرلر روسیا-اوکراینا آراسین‌دا آراچی اولاراق ساواشین دوردورولماسی اوچون اؤز تکلیفلرینی سوناجاقلار. خاطیرلاتماق لازیمسا، اوکراینا-روسیا باریش گؤروشمه‌لری بیر ایلدیر ائدیلمیر.
گله‌جک جولای آیین‌دا سن پترزبورگدا ائدیله‌جک روسیا-آفریقا ذیروه‌سی اولین‌ده روسیانین آفریقا اؤلکه‌لری ایله ایلیشکیلرین‌ده جانلانمانین یاشاندیغی گؤرولمکده‌دیر.
***
۱۲-۱۳ ژوئن ۲۰۲۳ تاریخلرین‌ده موغولستانین باشکندی اولانباتوردا ترانس-آلتای داوام ائتدیریله‌بیلیر دیالوگو: جینسیت برابرلیگی و داوام ائتدیریله‌بیلیر قالخینما آدلی اولوسلارآراسی کنفرانس ائدیلدی. موغولستان پارلمانی بؤیوک خورال طرفین‌دن گئرچکلشدیریلن کنفرانس‌دا آوراسیا بؤلگه‌سینین اورتا کوریدورون‌دا امکداشلیغین داها دا گلیشدیریلمه‌سی ایله باغلی قونولار ماسایا یاتیریلدی.
۱۵ ژوئن ۲۰۲۳ تاریخینده موغولستان‌دا ۸. اولوسلارآراسی اولانباتور دیالوگو کنفرانسی باشلادی. موغولستان خاریجی ایشلر باخانی باتسگ باتمونهون آچیلیشینی ائتدیگی کنفرانسا تورکیه‌نین ده ایچین‌ده اولدوغو ۲۰ اؤلکه‌دن ۶۰دان چوخ نماینده قاتیلیر. کونفرانس‌دا قوزئی دوغو آسیانین موختلیف مسئله‌لری اله آلیناجاق.
گلیشمه‌لردن گؤرولدوگو اوزره، آوراسیا اؤلکه‌لری قطبلاشا‌ن دونیادا اؤز یئرینی آلا بیلمک اوچون اؤنملی اولوسلارآراسی فعالیتلره ائو صاحب‌لیگی ائدیرلر.
