اورتا آسیا جمهوریتلرینین گوندمیندهکی حادثه‌لر
گئچه‌ن هفته اورتا آسیا جمهوریتلرینده اؤنملی سفرلر و ییغینجاقلار گئرچکلشدی
گئچه‌ن هفته اورتا آسیا جمهوریتلرینده اؤنملی سفرلر و ییغینجاقلار گئرچکلشدی. ایندی اونلارا سیراسی ایله باخاجاغییق.
۵-۸ ژوئن ۲۰۲۳ تاریخلرینده آوروپا گوونلیک و امکداشلیق تشکیلاتی باش کاتیبی هلگا ماریا شمید قیرقیزیستان و قازاقیستان جمهوریتلرینه سفر گئرچکلشدیردی. قیرقیزیستان جمهورباشقانی سادیر جاپاروو ۵ ژوئن تاریخینده هلگا شیمیدی قبول ائتدی. قازاقیستان جمهورباشقانی قاسیم جؤمرد توکایئو ایسه آوروپا گوونلیک و امکداشلیق تشکیلاتی باش کاتیبینی ۷ ژوئن تاریخینده قبول ائتدی. گؤروشمه‌لرده تشکیلاتین اورتا آسیا جمهوریتلری ایله ایلیشکی‌سی، بؤلگه‌سل گوونلیک، یاشیل اقتصاد کیمی قونولار اله آلیندی.
قطر امری شیخ تمیم بن حمد آلثانی ۵-۹ ژوئن ۲۰۲۳ تاریخلرینده اورتا آسیا جمهوریتلرینه سفر گئرچکلشدیردی. قطر امرینین اؤزبکیستان و قیرقیزیستانا سفری دؤولت سفری اولاراق بیلدیریلدی. اؤزبکیستان، قازاقیستان و قیرقیزیستان جمهورباشقانلاری قطر امرینی هاوالیمانیندان شخصاً قارشیلادیلار. ائدیله‌ن گؤروشمه‌لردن سونرا اؤزبکیستان-قطر آراسیندا ۱۵، قیرقیزیستان-قطر آراسیندا ۱۳ آنلاشما ایمضالاندی. قطرین تورک جمهوریتلری ایله ایلیشکی‌لرینی یئنی بیر سویه‌یه یوکسلتمه‌سینده تورکیه-قطر استراتژیک ایلیشکیلرینین تأثیری بؤیوکدور.
۸-۹ ژوئن ۲۰۲۳ تاریخلرینده قازاقیستانین باشکندینده اولوسلارآراسی آستانا فورومو ائدیلدی. گله‌نکسلله‌شن آستانا فورومونا ۱۰۰۰دن چوخ خاریجی نماینده قاتیلدی. "چتین‌لیکلرین عهده‌سیندن دیالوگ ایله گلمک: امکداشلیق، فالخینما و ایر‌لیله‌مه یولو" آدلی فوروما قطر امیری، قیرقیزیستان جمهورباشقانی، اؤزبکیستان باشباخانی، بیرلشمیش میللتلر، شانگهای امکداشلیق تشکیلاتی، آوروپا گوونلیک و امکداشلیق تشکیلاتی کیمی اولوسلارآراسی تشکیلاتلارین باش کاتیبلری قاتیلدیلار. قازاقیستان جمهورباشقانی قاسیم جؤمرد توکایئو فوروم‌دا ائتدیگی دانیشماسیندا بیرلشمیش میللتلر گوونلیک قورولونون اصلاحات ائدیلمه‌سی لازیم اولدوغونو ایفاده ائتدی. جمهورباشقانی توکایئو فوروم چرچیوه‌سینده آستانادا اولان یوکسک درجه‌لی قوناقلار ایله آیری آیری گؤروشمه‌لر ائتدی. اولوسلارآراسی آستانا فورومو قوطوبلاشا‌ن دونیادا قازاقیستانین متعادل خاریجی سیاست ایجرا ائتمک‌ده اولدوغونون آچیق دلیلیدیر.
اؤزبکیستان جمهورباشقانی شؤوکت میرضیایئو ۷-۹ ژوئن ۲۰۲۳ تاریخلرینده ایتالیایا رسمی سفر گئرچکلشدیردی. شؤوکت میرضیایئو رومادا ایتالیا جمهورباشقانی سرجیو ماتارللا و ایتالیا باشباخانی جیورجیا ملونی ایله گؤروشمه‌لر ائتدی. اؤزبکیستان جمهورباشقانی داها سونرا میلانا گئچدی. جمهورباشقانی میرضیایئو میلاندا یئرلی یؤنه‌تیم نماینده‌لری و ایش آداملاری ایله گؤروشدو. سفر چرچیوه‌سینده تشکیل ائدیله‌ن ایتالیا-اؤزبکیستان ایش فوروموندا ۹ میلیارد یورو دگرینده آنلاشمالارا ایمضالاندی.
***
۸-۹ ژوئن ۲۰۲۳ تاریخلرینده ماجاریستان باشباخانی ویکتور اوربان تورکمنیستانا ایکی گونلو رسمی سفر گئرچکلشدیردی. ویکتور اوربان عشق آباد شهرینده خالق مصلحتی باشقانی قوربانقولو بردی‌محمدوو، جمهورباشقانی سردار بردی‌محمدوو ایله آیری آیری گؤروشدو. گؤروشمه‌لر سونوندا ایکی اؤلکه آراسیندا ۸ آنلاشما ایمضالاندی.
۸ ژوئن ۲۰۲۳ تاریخینده پاکیستان باشباخانی محمد شاهباز شریف تورکمن‌گاز باشقانی مقصد بابایئوی قبول ائتدی. گؤروشمه سونوندا ایکی اؤلکه آراسیندا تاپی پروژه‌سینی سرعتله‌ندیرمه قونوسوندا اورتاق حرکت پلانی ایمضالاندی.
