2023-جو ایله دوغرو تورکیه-نین خاریجی سیاستی
ستا – سیاسی، اقتصادی و سوسیال آراشدیرمالار فوندونون باش مودیری، پروفسور مراد یشیلتاشین "2023-جو ایله دوغرو تورکیه-نین خاریجی سیاستی باشلیقلی مقالهسی..
تورکیه-نین اوکراینا محاربهسی ایله باغلی یوروتدوگو بالانس سیاستی اوکرایناداکی محاربهیه مخصوص دئییل. بو ایلک نؤوبهده ایستراتئژی موختاریتینی تامین ائتمک، ایکینجیسی ژئوسیاسی اوستونلوکلرینی شاخهلندیرمک اوچون داها گئنیش ایستراتژی و ژئوپولوتیک یونه لیمینین بیر حیسهسیدیر. تورکیه-نین باتی ایله علاقهلری 2023-جو ایلده پراکتیکی امکداشلیق چرچیوه سینده داوام ائدهجک. بو چرچیوهده تورکیه-نین 2023-جو ایلده ده مؤوجود بالانس و نیتراللیق سیاستینی داوام ائتدیرمهسی گؤزلنیلمهلیدیر. 2023-جو ایلده دانیشیقلارین یئنی تورلاری کئچیریله بیلر و تورکیه بو ایمکانلارا رهبرلیک ائدهجک.
تورکیه-نین خاریجی علاقهلرینده "تیجارت دؤولتی" کاراکتری 2023-جو ایلده ده داوام ائدهجک، چونکی اقتصادی پروبلئملری قیسا مدتده آرادان قالدیرماق مومکون اولمایاجاق.
بوندان علاوه، قلوبال اپیدمینین دونیا اقتصادیاتینا اولان تأثیرینین داوام ائتمهسی و 2023-جو ایلده قلوبال دورغونلوقلا باغلی گؤزلنتیلر تورکیه استثنا اولماقلا دئمک اولار کی، بوتون اؤلکهلر اوچون اقتصادی ناراحاتلیقلار دوغورور. بو اقتصادی منظرهیه پارالل اولاراق، تورکیه ایله طرفداشلاری آراسیندا داوام ائدن نورماللاشما پروسهسینین 2023-جو ایلده داوام ائدجگی و بلکه ده درینلشهجگی گؤزلنیلمهلیدیر، چونکی پروسهسین باشلاماسینی تامین ائدن شرطلر 2023-جو ایلده قوهده اولاجاق. تورکیه-نین ساوونما صنایعسی 2022-جی ایلده اولدوغو کیمی 2023-جو ایلده ده سرعتله اینکیشاف ائتمهیه داوام ائدهجک. تورکیه آرتیق "پهپاد دیپلماسیسی" و یا "ساوونما دیپلماسیسی" اولاراق آدلاندیریلان ساوونما محصوللارینین صادرات بازارلارینی گئنیشلندیرمک مسئلهسینده ایرلیلییش الده ائدیب. اوکرایناداکی محاربه روسیانین بیر چوخ اؤلکهلره ساوونما محصوللاری صادر ائتمک ایمکانلارینی خیلی آزالدیب و محاربه گلن ایل ده داوام ائدجگی اوچون روسیانین ایمکانلاری 2023-جو ایلده داها دا آزالاجاق. تورکیه روسیانین باشدا آسیا، اورتا دوغو، افریقا و لاتین امریکاسیندا یاراتدیغی بوشلوغو دولدورماغا حاضیرلاشیر.
2023-جو ایلده تورکیهنین ترورلا موباریزه سعیلری هم تورکیه داخیلینده، هم ده اونون حدودلاریندان کناردا داوام ائدهجک. 2022-جی ایلده تورکیه-نین خصوصیله قوزیی عراق-دا ترورلا موباریزه عملیاتلاری داها دا درینلشسه ده، تورکیه-نین عملیات و ایستراتژی هدفلری هله ده تام رئاللاشماییب. بونا گؤره ده تورکیه-نین عراق-ین شیمالیندا داوام ائدن آنتیترور عملیاتلارینی تاماملاماغا، ائلهجه ده سوریه-نین شیمالیندا ی.پ.گ لیدرلرینه و عضولرینه قارشی حساس عملیاتلارینی داوام ائتدیرمهسی گؤزلنیلیر. تورکیه سوریه-نین شیمالیندا ی.پ.گ-نین نظارتینده اولان بؤلگهلرده عملیات کئچیره بیلر. 2023-جو ایلده تورکیه-امریکا موناسیبتلریندهکی ان مهم مسئله سناتین خاریجی علاقهلر کومیتهسینین صدری باب مندزین انگللهدیگی اف-16 ساواش اوچاق لاری و مدرنیزاسیون کیت لرینین تورکیه-یه صادراتی مؤوضوعسو اولاجاق. تورکیه-نین سوریه-نین شیمالیندا ی.پ.گ-یه قارشی مومکون حربی عملیاتی ایکی طرفلی موناسیبتلری گرگینلشدیره بیلر.
تورکیه ایله یونانیستان آراسیندا اگه ودوغو آغ دنیزیندهکی دنیز بؤلگهلری ایله باغلی گرگینلیک یاشانا بیلر. یونانیستانین کرت ایله باغلی ادعالاری ایله تورکیه-لیبیا-نین ایکی طرفلی اولاراق معین ائدیلمیش اقتصادی زونالار آراسینداکی موناقیشه 2023-جو ایلده تورکیه و یونانیستان آراسیندا گرگینلیه سبب اولا بیلر، چونکی یونانیستان بؤلگهده هیدروکربن کشفیاتی ایله باغلی ایری انرژی شیرکتلری ایله موقاویله باغلاییب.
قئید ائتمک لازیمدیرکی، 2023-جو ایلده تورکیه-یونانیستان موناسیبتلرینده یاشانا بیلهجک گرگینلیک تورکیه-امریکا موناسیبتلرینه ده تأثیر ائده بیلر.
تورکیه ایله آذربایجان آراسینداکی موناسیبتلرین ایستراتژی کئیفیتینین 2023-جو ایلده داها دا گوجلهنهجگی گؤزلنیلیر. تورکیه ایشغالدان آزاد ائدیلمیش قاراباغ بؤلگهسینین اینکیشاف ائتمسی و بؤلگهده ثابیتلیگین تامین ائدیلمسی، همچنین حربی امکداشلیغین داوام ائتدیریلمهسینده آذربایجانا دستکینی داوام ائتدیرهجک. تورکیه همچنین آذربایجانلا ائرمنیستان آراسیندا حربی گرگینلیگین داها دا آرتماسینین قارشیسینی آلماق اوچون سعیلرینی آرتیراجاق.
2023-جو ایلده تورکیه ایله آذربایجان آراسینداکی موناسیبتلر انرژی ژئوسیاستینه ده داها گئنیش تأثیر گؤسترهجک. پوتینین تورکیه-نی انرژی مرکزینه چئویرمک تکلیفی رئاللاشسا دا، رئاللاشماسا دا، آذربایجاندان تورکیه اوزریندن آوروپایا اوزانان حاضیرکی انرژی دهلیزین ایمکانلاری آرتا بیلر.
اوکرایناداکی محاربه 2023-جو ایلده ده داوام ائدهجک و تورکیه-نین گوندمیندهکی مرکزی یئرینی قورویاجاق. تورکیه تاخیل سازیشینین یئنیلنمسی اوچون سعی لرینی داوام ائتدیرجک، همچنین 2023-جو ایل عرضینده طرفلر آراسیندا باریش دانیشیقلارینین برپاسی و گرگینلیگین آزالدیلماسی اوچون هر فورصتدن ایستیفاده ائدهجک.
2023-جو ایلده اورتا دوغوداکی و بیر چوخ اؤلکه آراسیندا داوام ائدن نورماللاشما پروسه لری گوندمده اولاجاق. دوغو قدس و غزه-ده یاشانا بیلهجک گرگینلیک هم "ابراهیم راضیلاشمالاری"نا، هم ده تورکیه-ایسراییل موناسیبتلرینه منفی تاثیر گؤستره بیلر.