شانگهای امکداشلیق تشکیلاتی و اؤزبکیستان
بو ایل شانگهای امکداشلیق تشکیلاتی بنیه‌سینده ۸۰ فعالیتین ائدیلمه‌سی پلانلانمیشسا، ایندییه قدر اونون ۴۰ی اؤزبکیستاندا گئرچکلشدیریلدی
اؤزبکیستانین دؤنم باشقانلیغی سببی ایله شانگهای امکداشلیق تشکیلاتی فعالیتلری بو ایل اؤزبکیستاندا تشکیل ائدیلیر. می آییندا تشکیلاتین اؤنملی توپلانتی و فوروملاری اؤزبکیستانین موختلیف شهرلرینده گئرچکلشدیریلدی.
۱۱-۱۲ می تاریخلرینده داشکند شهرینده شانگهای امکداشلیق تشکیلاتی خالق دیپلوماسیسی فورومو گئرچکلشدیریلدی. فوروما تشکیلاتا عضو اؤلکه‌لردن ۱۲۰دن چوخ نماینده قاتیلدی. خالق دیپلوماسیسی فورومو، اؤزبکیستانین تکلیفی ایله ۲۰۱۷.جی ایلده‌ن بو یانا منتظم اولاراق گئرچکلشدیریلیر.
۱۲ می ۲۰۲۲ تاریخینده خیوه شهرینده شانگهای امکداشلیق تشکیلاتی اولاشدیرما باخانلاری ۹.جو ییغینجاغی هیبرید فورماتدا ائدیلدی. توپلانتی سونوندا امکداشلیق پروتوکولو ایمضالاندی و اورتاق ایش قروپونون یارادیلماسی قرارلاشدیریلدی.
۱۳ می ۲۰۲۲ تاریخینده شانگهای امکداشلیق تشکیلاتی باش کاتیبی ژانگ مینگ اؤزبکیستانا گلدی. شانگهای امکداشلیق تشکیلاتی باش کاتیبی اؤزبکیستان جمهورباشقانی شؤوکت میرضیایئو، خاریجی ایشلر باخان وکیلی ولادیمیر نوروو طرفیندن قبول ائدیلدی. گؤروشمه‌لرده ۱۵-۱۶ سپتامبر ۲۰۲۲ تاریخلرینده سمرقندده ائدیله‌جک شانگهای امکداشلیق تشکیلاتی ذیروه‌سی حاضرلیقلاری و عمومیتله تشکیلاتین مسئله‌لری اله آلیندی.
۱۶ می ۲۰۲۲ تاریخینده بوخارا شهرینده شانگهای امکداشلیق تشکیلاتی بانکلار بیرلیگی متخصص و کووردیناتورلارینین ییغینجاغی تشکیل ائدیلدی. بو ییغینجاغین گوند‌مینی میللی پول ایله تیجارت ائتمه‌یه آغیرلیق وئرمه قونوسو اولوشدوردو.
۱۷ می ۲۰۲۲ تاریخینده شانگهای امکداشلیق تشکیلاتینا عضو دؤولتلرین قرنطینه‌دن مسئول باخانلیق نماینده‌لری و باشقانلاری ییغینجاغی گئرچکلشدیریلدی.
۱۹ می ۲۰۲۲ تاریخینده شانگهای امکداشلیق تشکیلاتی توریزم باخانلاری ۱۹.جو ییغینجاغی داشکند‌ده هیبرید فورماتدا ائدیلدی. توپلانتیدا هیندیستانین واراناسی شهری تشکیلاتین توریزم و مدنیت باشکندی سئچیلدی. ۲۰ می تاریخینده "شانگهای امکداشلیق تشکیلاتینا عضو اؤلکه‌لر آراسی ایلیشکیلرده یئنی دؤنم: توریزم و مد‌نی میراث" باش‌لیغی آلتیندا شانگهای امکداشلیق تشکیلاتی اولوسلارآراسی توریزم فورومو گئرچکلشدیریلدی. عینی گون شانگهای امکداشلیق تشکیلاتی مدنیت باخانلاری ییغینجاغی دا ائدیلدی. توپلانتی سونوندا موزه‌‌چی‌لیک ساحه‌سینده امکداشلیق آنلاشماسی ایمضالاندی.
۲۰ می ۲۰۲۲ تاریخینده اؤزبکیستاندا شانگهای امکداشلیق تشکیلاتی ایدماندان مسئول باخانلار ییغینجاغی گئرچکلشدیریلدی. ییغینجاغین سونوندا باخانلار طرفیندن "شانگهای امکداشلیق تشکیلاتینا عضو اؤلکه‌لر حکومتلری آراسیندا ۲۰۲۲-۲۰۲۴ ایللرینده ایدمان ساحه‌سینده امکداشلیغین اینکیشاف ائتدیریلمه‌سینه باغلی حرکت پلانی" قبول ائدیلدی.
*
بو ایل شانگهای امکداشلیق تشکیلاتی بنیه‌سینده ۸۰ فعالیتین ائدیلمه‌سی پلانلانمیشسا، ایندییه قدر اونون ۴۰ی اؤزبکیستاندا گئرچکلشدیریلدی. گلیشمه‌لردن گؤرولدوگو اۆزره داشکند یؤنتیمی سؤز قونوسو فعالیتلری اؤلکه‌نین موختلیف شهرلرینده گئرچکلشدیرمه‌یه دقت گؤستریر. اؤزبکیستان، اؤز دؤنم باشقانلیغی سیراسیندا تشکیلاتین گوجله‌نمه‌سینه اؤنملی قاتقی وئرمکده‌دیر.
دونیا خالقینین هاراداسا یاریسی شانگهای امکداشلیق تشکیلاتینا عضو دؤولتلرده یاشاییر. بو سبب‌دن تشکیلاتین اؤنمی گون گئچدیکجه آرتیر. شانگهای امکداشلیق تشکیلاتینین دیالوگ امکداشی اولان تورکیه، تشکیلاتا گؤزلمچی و یا عضو اولماق اوچون گیریشیرسه، هر ایکی طرف ده بوندان قازانجلی چیخاجاق. بو وضعیت دوغو ایله باتی آراسیندا اؤنملی مؤقعیتده اولان تورکیه‌نین یئنی‌دن آسیا گیریشیمی ایله ده اۆست اۆسته دۆشور.
آوراسیا گوندمی - ۳۹
ایلگیلی‌لی خبرلر
تۆرک جمهوریتلرینین گوند‌مینده‌کی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
