اؤزبکیستان جمهورباشقانی میرضیایئوین پاکیستان سفری
بابور شاهین وارثلری اولان پاکیستان و اؤزبکیستان بیر چوخ ساحهده یاخین امکداشلیق ائدهجکلر
اؤزبکیستان جمهورباشقانی شؤوکت میرضیایئو، ۳-۴ مارس ۲۰۲۲ تاریخلرینده پاکیستان اسلام جمهوریتینه ایلک دؤولت سفرینی گرچکلشدیردی. جمهورباشقانی شؤوکت میرضیایئوی هاوا لیمانیندا پاکیستانین باشباخانی عمران خان شخصاً قارشیلادی. باشکند اسلام آبادداکی باشباخانلیک ساراییندا ائدیلهن رسمی قارشیلاما مراسیمیندن سونرا ایکی لیدئرین باش باشا گؤروشمهسی اولدو. باش باشا گؤروشمهدن سونرا هئیتلر آراسی گؤروشمه گئچیریلدی. دانیشیقلار نتیجهسینده ایکی اؤلکه آراسیندا ۱۰ دولاییندا آنلاشما امضالاندی.
لیدئرلرین تشکیل ائتدیگی مطبوعات توپلانتیسیندا، اؤتن ایل پاندمییه باخمایاراق ایکیلی تیجارت حجمینین یوزده ۵۰ آرتدیغی وورغولاندی و طرفلرین بیر نئچه ایل ایچینده اورتاق تیجارت حجمینی ۵۰۰ میلیون دلارا چاتدیرماغی هدفلدیکلری وورغولاندی. سفر چرچیوهسینده اسلام آباددا گئچیریلهن پاکیستان-اؤزبکیستان ایش فوروموندا ۸۰۰ میلیون دولار دگرینده ۶۰ آنلاشمانین امضالاندیغی آچیقلاندی. حاضردا اؤزبکیستاندا پاکیستانلی یاتیریمچیلارین ۱۷۷ شیرکتی فعالیت گؤستریر.
اسلام آباددا جمهورباشقانی شؤوکت میرضیایئو و باشباخان عمران خان ترمذ-مزار شریف-کابل-پیشاور دمیر یولو پروژهسینین افغانیستان بؤلومونون تاماملانماسی اوچون یول خریطهسینی مذاکیره ائتدیلر. لیدئرلر آیریجا داشکند-لاهور و داشکند-اسلام آباد آراسیندا بیرباشا اوچاق سفرلرینین باشلادیلماسی قونوسوندا دا آنلاشدیلار. داشکند و اسلام آباد آراسیندا قورو نقلیاتی ساحهسینده امکداشلیق آنلاشماسی دا قوهده. ۲۰۲۱.جی ایلین می آییندا ایکی اؤلکه آراسیندا ایلک تریلی سفرلری باشلامیشدی. اؤزبکیستان اقیانوسا پاکیستان واسطهسیله آچیلیر.
۴ مارس ۲۰۲۲ده جمهورباشقانی میرضیایئو، اسلام آباددا پاکیستانین تانینان شیرکتلرینین باشقانلاری ایله گؤروشدو. شؤوکت میرضیایئوین پاکیستانا سفری پاکیستان جمهورباشقانی عارف علوی ایله گؤروشوندن سونرا باشا چاتدی. جمهورباشقانی میرضیایئو قونومداشینی اؤزبکیستانا دعوت ائتدی.
سفر زامانی گوونلیک ساحهسینده امکداشلیغین یول خریطهسینی احتوا ائدن بیر آنلاشما امضالاندی. پاکیستان، اؤزبکیستان و تورکیه ۲۰۱۹.جو ایلدهن اوچلو حربی مانورلار گئچیریر. ۲۰۲۱.جی ایل نوامبرین اولینده اؤزبکیستان میللی گوونلیک شوراسینین باش کاتیبی ویکتور ماحمودوو پاکیستانا اوچ گونلوک چالیشما سفر گرچکلشدیرمیشدی.
*
اؤزبکیستان-پاکیستان ایلیشکیلری استراتژیک امکداشلیق قونوموندادیر. استراتژیک امکداشلیق آنلاشماسی ۲۰۲۱.جی ایلین جولای آییندا باشباخان عمران خانین اؤزبکیستانا سفری زامانی امضالانمیشدی. بونو دا قید ائتمکده فایدا وار؛ سون ایکی ایلده اؤزبکیستان جمهورباشقانی شؤوکت میرضیایئو و پاکیستان باشباخانی عمران خان آلتی دفعه گؤروشدولر.
اؤزبکیستان و پاکیستان شانگهای امکداشلیق تشکیلاتی، اسلام امکداشلیق تشکیلاتی و اقتصادی امکداشلیق تشکیلاتی کیمی بؤلگهسل تشکیلاتلار چرچیوهسینده ده امکداشلیغی گلیشدیریر. میرضیایئوین اسلام آبادا سفری سیراسیندا افغانیستانداکی وضعیت، لیدئرلرین آنا گوندم مادهلری آراسیندا ایدی. چونکو هر ایکی اؤلکهنین افغانیستانلا سرحدی و یاخین امکداشلیغی وار. اورتا آسیانین گونئی آسیا ایله امکداشلیغی و بؤلگهلرآراسی امکداشلیغین گلیشمهسی داشکند-اسلام آباد ایلیشکیلرینین گئدیشیندن آسیلیدیر.
اؤزت اولاراق، جمهورباشقانی شؤوکت میرضیایئوین اسلام آبادا سفری وئریملی گئچدی. بابور شاهین وارثلری اولان پاکیستان و اؤزبکیستان بیر چوخ ساحهده یاخین امکداشلیق ائدهجکلر.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی