ائرمنیستان-‌داکی نؤوبه‌دن‌کنار سئچکی‌لر و بؤلگه‌نین نورماللاشما پروسه‌سینه تأثیرلری

تورک ایسلام آراشدیرما‌لاری مرکزی باشقانی، خزر بیلیم یوردونون معلمی دؤکتور تلمان نصرت اوغلونون "ائرمنیستان‌داکی نؤوبه‌دن‌کنار سئچکی‌لر و بونون بؤلگه‌نین نورماللاشما پروسه سینه تأثیرلری" باش‌لیقلی آنالیتیک یازی‌سی.

1612734
ائرمنیستان-‌داکی نؤوبه‌دن‌کنار سئچکی‌لر و بؤلگه‌نین نورماللاشما پروسه‌سینه تأثیرلری

تورک ایسلام آراشدیرما‌لاری مرکزی باشقانی، خزر بیلیم یوردونون معلمی دؤکتور تلمان نصرت اوغلونون "ائرمنیستان‌داکی نؤوبه‌دن‌کنار سئچکی‌لر و بونون بؤلگه‌نین نورماللاشما پروسه سینه تأثیرلری" باش‌لیقلی آنالیتیک یازی‌سی.

باش قرارگاه رئیسی گاسپاریان لیدرلیگینده کی بیر قروپ ائرمنی ژنرالی‌نین پاشینیانین استعفاسینی طلب ائتمه‌سیله داها دا درینلشن سیاسی بحران دؤولت ایداره چیلیگینده خاوس و ایکی باشلیلیغی آرتیرمیش، باش ناظیرین نؤوبه‌دن‌کنار پارلامانئت سئچکی‌لری اعلان ائتمک‌دن باشقا چیخیش یولو قالمامیش‌دیر. رئاللاشیدیریلماسی مومکون اولدوغو تقدیرده، 20 ژوئن سئچکی‌لری ائرمنی سیاستییله بیرلیکده شووینیست سیاسی-ایدئولوژی پارادیقمانین تأثیری آلتیندا بوتون موستوی‌لرده دالانا دیرنمیش، پروبلئم‌لری گوندن-گونه آرتان ائرمنی خالقی اوچون ده کریتیک اهمیتده اولان تورکیه و آذربایجانلا نورماللاشما ضرورتینی قاوراییب قاوراماما مسئله‌سیندن اؤلکه‌نین گله جگی‌نین هانسی ژئوپولیتیک مجرا و ماجرا‌لارا ایستیقامتلندیریلمه‌سینه قدر سیناق ماهیتینده اولا‌جاق‌دیر.

پاشینیان و موخالیفت جبهه‌سی اوچون بو سئچکینی تالع یوکلو ائدن عامل‌لر، سئچکی‌نین نتیجه‌لرینه تأثیر ائده‌جک اساس فاکتورلار، آذربایجان اوردوسونون پارلاق قاراباغ ظفریندن سونرا رئوانشیست دویغو و بیان‌لارلا خالقی کوچه‌لره چاغیرا‌راق پاشینیانین استعفاسینا نایل اولماغا چالیشان موخالیفتین اوغورسوزلوغونون، هله‌لیک باش ناظیرین نظارتینده اینکیشاف ائدن پروسه لرین آرخاسینجا سوروکلنمه‌سی‌نین سبب‌لری اوزرینده اطراف‌لی دوراجاغیق. فقط قاراباغین ایشغالینا سون وئرررک غلبه‌نی تامین ائتمکله بیرلیکده کؤهنه-یئنی بوتون ائرمنی سیاسی قوه‌لرینی، جمعیتین موختلیف طبقه‌لرینی داخلی حساپلاشمایا، تلاتومه قرق ائدن آذربایجانین، بؤیوک دؤولت آغلی و صبرله بیر عصیردیر دینمه‌ین ائرمنی ترورو و ایشغال‌لارینا رغمن جنوبی قافقازدا قالیجی سولهه نایل اولماق اوچون اؤنملی آددیم‌لار آتماغا داوام ائتدیگینی ده ایفاده ائتمک لازیم‌دیر. قونشو دؤولت‌لرین آرخیو سندلری و اینکارائدیلمز تاریخی دلیل‌لرله مسلمان تورک یوردو اولدوغو آچیق بیر شکیلده ثبوت ائدیلن ایروان خان‌لیغی، زنگزور تورپاق‌لاری حسابینا دؤولت قوران ائرمنیستانین قاراباغ-‌داکی تالان سیاستینه، یئرله یئکسان ائدیلمیش، داغیدیلمیش کندلره، قصبه‌لره، شهرلره وورولان ضررین میقیاسینا رغمن آذربایجان بولگه ده نورماللاشماغا نایل اولماق اوچون روسیا قاضی‌نین ائرمنیستانا اؤز اراضی‌لریندن اؤتورولمه‌سینه راضی‌لیق وئریر، ساواش اسیرلری‌نین قایتاریلماسی، ایشغال‌دان آزاد ائدیلن اراضی‌لرده ائرمنی عسگرلری‌نین جسدلرینین آختاریلماسی کیمی مسئله‌لرده بوتون آسانلاشدیریجی آددیم‌لاری آتا‌راق 10 نوامبر ر موقاویله‌سینه گؤره اوزرینه دوشن عهده ‌لیک‌لری سرعتله حیاتا کئچیریب نقلیات یول‌لاری‌نین، دهلیزلرین برپاسی اوچون ده لازیم اولان فعالیت‌لری ایجرا ائدیر. لاکین موختلیف سوروندرمه‌چی‌لیک مئتودلاری و اویون‌لارلا بو سازیشین اساس ماده‌لریندن بیری اولان زنگزور دهلیزینین آچیلماسی مسئله‌سینده حرکت‌سیزلیگینی داوام ائتدیرن ائرمنیستان ایشغال دؤورو قاراباغ و اطراف بؤلگه‌لرین گئنیش اراضی‌لرینه باسدیردیغی مینالارین خریطه‌سینی ده باکی-یا وئرمه‌مکده اصرار ائدیر. قیسا مدت عرضینده آذربایجانین 20-یه یاخین مولکی وطنداشی اؤز آتا-بابا یوردلارینی زیارت ائدرکن فیزولی، آغدام و جبراییلدا بو مینا‌لارا دوشه‌رک حیاتینی ایتیرمیش‌دیر. ایروان-ین بو سیاستی آنتی‌هومانیست اولماقلا بیرلیکده آذربایجانا قارشی دوشمنچی‌لیک نیتینی ده اورتایا قویور. ایستر بولگه‌سل ، ایسترسه ده قلوبال تهلوکه‌سیزلیک و امکداش‌لیق باخیمیندان رولو و اؤنمی آرتماغا داوام ائدن آنکارا-باکی اتفاقی‌نین “جنوبی قافقازداکی رفاه و اقتصادی اینکیشاف‌دان پای آلماق ایسته‌ین اؤلکه‌لر بیر-بیرلری‌نین اراضی بوتؤو‌لوگونو تانیما‌لی‌دیر”

موضعی یئنی بولگه‌سل کونفیقوراسیانین قیرمیزی خطینی عکس ائتدیرمکله برابر ائرمنیستانا دا گله‌جگی باغلی قطعی سئچیم تکلیف ائدیر.

“بو گون آذربایجان موغامینا قولاق آسان، تورک مالی آلان صاباحین پتانسیل خاینی اولا بیلر”، “خانکندینده‌کی ائرمنی‌لر هئچ بیر زامان باکی-یا تابع اولمایا‌جاق‌لار” کیمی بیان‌لارین ائرمنی خالقینا هئچ بیر فایدا گتیرمه‌یه‌‌جگی، اونسوزدا دا چتین اولان وضعیتینی داها دا آغیرلاشدیراجاغی، دؤولتچی‌لیک‌لرینی ده سوال آلتیندا قویاجاغی آچیق‌دیر. باشقا آلترناتیو یوخ‌دور. یا آذربایجانلا ائرمنیستان آراسیندا بیر-بیرلری‌نین اراضی بوتؤولوک‌لرینی تانیماق شرطی ایله بؤیوک سوله سازیشی ایمضا‌لانا‌راق بولگه‌ده نورماللاشماغا گئدیلمه‌لی، یا دا دوشمنچی‌لیک و ایشغال خطینی سئچن ائرمنیستان داها آغیر بیر مغلوبیت آلا‌راق انتحارا برابر نتیجه ایله راضیلاشما‌لی‌دیر. 20 ژوئن ائرمنی خالقی ساده‌جه اؤز اقتدارینی سئچمه‌یه‌جک، هم ده ایکلم قارشی سیندا سیاسی – اقتصادی، ایدئولوژی بحران ایچینده سؤزونو دئیه‌جک.

نؤوبه‌دن‌کنار سئچکی ائرمنیستانی گؤزله‌ین ژئوسیاسی چاره‌سیزلیک وضعیتینده دالان‌دان یئگانه چیخیش یولونون تورکیه و آذربایجانلا نورماللاشما‌دان کئچدیگینی آنلایان پاشینیان اوچون حاکمیتینی ایتیرمه ریسکی ایله برابر رئابیلیتاسیا ایمکانی دا سونماقدا‌دیر. یارانان سیاسی پات وضعیتینده اونون بو قراری آلماق‌دان باشقا یولو دا یوخ ایدی. قاراباغ مغلوبیتی سونراسیندا پاشینیانین ریتینگی آشاغی دوشدوگو اوچون حاضیرکی پارلامئنت چوخلوغونو یئنی‌دن قازانماسی چتین گؤرنسه ده آدلاری یولسوزلوق قالماقال‌لاریندا حال‌لانان کؤهنه حاکمیت تمثیلچی‌لریندن عبارت اولان موخالیفتین خالق دستکیندن محروم اولدوغو دا بللی‌دیر. حربی ائلیتا آراسیندا آرتان ناراضی‌لیق‌لار فونوندا باش ناظیرین هر هانسی بیر چئوریلیش ویا سوء قصده قوربان گئتمه احتیمالینی دا دوشونسک پارلامئنت چوخ‌لوغونو الده ائده بیلمه‌سه ده رهبرلیک ائتدیگی فراکسیانین سئچکی‌لردن بیرینجی چیخماسی اونون اوچون جدی اوغور اولاردی. مانوکیان، کؤچاریان کیمی موخالیف لیدرلر اونو خیانتکار آدلان‌دیرا‌راق، حتی ائرمنیستاندا یاشاماغا بئله حاقی اولمادیغینی ادعا ائدیرلر. پاشینیانین یئنی‌دن خالق دان دستک آلماسی اکثریتی مسکوا‌داکی بو ویا دیگر دایره‌لره باغلی اولان کؤهنه اقتدار یئنی موخالیفت تیمی اوچون ده ایفلاسین اعلانی آنلامینا گلیر. کئچمیش پرزیدنت کؤچارانین روسیا‌دان دا دستک آلا‌راق دیگر سیاسی قوه‌لری اؤز اطرافینا توپلاییب اقتداری تکرار اله کئچیرمک ایسته‌دیگی ده آچیق‌دیر.اونون پاشینیانین اقتدار فراکسیاسیندان اولان بعضی میللت وکیل لری ایله ده تماس قوردوغونا دایر ائرمنی مطبوعاتیندا دا یئر آلان خبرلر، آچیقلاما‌لاری موباریزه‌نین کؤچاریان – پاشینیان جبهه‌سی آراسیندا گئده بیله‌جگی  یؤنون‌دکی احتیمال‌لاری آرتیریر. کؤچاریان اؤزونو قاراباغی ائرمنی‌لره قازاندیران “قهرمان”، پاشینیانی دا مغلوبیتین اساس سببکاری کیمی تقدیم ائده‌رک ائرمنی خالقیندان دستک آلاجاغینا اومید ائدیر. آنجاق پرزیدنت ایلهام علی یئوین ایفادسیله آذربایجانین مغلوب ائتدیگی اوردو کؤچاریانین، سارکیسیانین قوردوغو اوردو ایدی. سون پروسه ‌لر ده گؤستردی کی، پاشینیانین ائرمنیستان اوردوسو اوزریندکی تأثیری مینیموم سویه‌ده‌دیر. هم ده پاشینیانین الینده کؤچاریانا عایید جدی یولسوزلوق سندلری ده مؤوجوت‌دور.  ژئوپولیتیک تأثیرلری ده گؤز اؤنونده توتارساق موخالیفت و اقتدار جبهه‌سی‌نین گوج و ایمکان باخیمیندان بیر-بیرینی تامامن ازمک اقتداریندا اولمادیغی دا آچیق‌دیر. مانوکیانین نامیزدلیگی اطرافیندا بیرلشن "وطن‌ین خلاصی جبهه‌سی" پاشینیانین استعفاسینا نایل اولوب، سونرا سئچکی‌لره گئتمک ایسته‌سه ده بونا نایل اولا بیلمه‌دی. سئچکی‌لرین کسکین قارشیدورما شرایطینده، قارشی‌لیق‌لی خاین اتهام لار ایله کئچه‌جگی ده بللیدیر. پاشینیان آرتیق بولگه‌ده کئچیردیگی ایلک گؤروشده “حاکمیته کیم گلیرسه گلسین 10 نوامبر سازیشینه عمل ائتمه‌یه محکوم‌دور، زنگزور هلیزی‌نین آچیلماسی بوتون بولگه دؤولت‌لری‌نین ماراق‌لارینا اویغون‌دور، اقتدارا گلدیگیمیزده ائرمنیستان عسگرلرینین نه اینکی سلاح، پالتار پروبلئمی‌نین بئله حل ائدیلمه‌دیگینی گؤردوک، اوولکی پرزیدنت سارکیسیان ایشغال آلتینداکی تورپاق‌لاری بوشالتماق اوچون آذربایجان قارشی‌سیندا عهده ‌لیک گؤتورموشدو، بیز تمیز سیاستی اونلار یولسوزلوق سیستمی تمثیل ائدیر” کیمی تزینی سسلندیرمیشدیر. پاشینیانین داها مترقی بیر یاناشما سرگیلدیگینی ایفاده ائتمکله بیرلیکده بو سئچکی‌لرده اقتدارا کیمین گلمه‌سیندن آسیلی اولمایا‌راق آذربایجانین جنوبی قافقازدا بیر داها ائرمنی فاشیزمی‌نین باش قالدیرماسینا ایمکان وئرمه‌یه‌جگی ده چوخ آچیق‌دیر.



ایلگیلی‌لی خبرلر